Kezdesýde Sergeı Tımofeev qurylys jumystaryna qoıylatyn normatıvtik talaptar elimiz boıynsha birdeı ekenin, bul oraıda klımattyq erekshelikter eskerile bermeıtinin jetkizdi.
Aımaq basshysy máseleni zańnamalyq negizde sheshý múmkindigin aıta kelip, kez kelgen bos oryndarǵa qalaı bolsa solaı salynatyn qurylystardy qatty synǵa aldy. Qurylys júıesin jetildirý qajettigin atap kórsetti.
«Kóp qabatty úılerdiń retsiz boı kóterýi saldarynan shahardyń surqy qashyp tur. Birizdendirilgen arhıtektýralyq sheshim joq. Úı, kommýnıkasııa, jaryqtandyrý keshendi bolýy tıis», dedi Qumar Irgebaıuly.
Jeke kásipker Aleksandr Eshanov gıperpresti kirpishti daıyndap, satý jaıynda áńgime qozǵady. Ákim ónimniń sapasy tekserilgennen keıin «Nurly jer» baǵdarlamasy boıynsha jeke turǵyn úı qurylysy jobalaryn iske asyrý sharalary júzege asyrylatynyn aıtty.
Tıisti oryndarǵa «Solnechnyı» shaǵyn aýdanynynda salynatyn úılerdiń arhıtektýralyq talaptarǵa saı bolýyn tapsyrdy.
О́mir Esqalı, «Egemen Qazaqstan»