A. Mamın 1992 jyldan beri bes jylda bir ret Quryltaı ótkiziletindigin aıtty. Bıyl besinshi Quryltaı 22-25 maýsym aralyǵynda Astanada ótedi. Sharanyń saltanatty ashylýy 23 maýsym kúni Nazarbaev Ýnıversıtetinde ótedi.
Otyrys barysynda QR Mádenıet jáne sport vıse-mınıstri A. Raıymqulovanyń, Dúnıejúzi qazaqtarynyń qaýymdastyǵy tóraǵasynyń birinshi orynbasary T. Mamashevtiń baıandamasy tyńdaldy.
A. Raıymqulovanyń aıtýynsha, besinshi Quryltaıǵa álemniń 38 elinen qazaq dıasporasynyń 350 sheteldik ókili, 370 qazaqstandyq ıntellıgensııa men Dúnıejúzi qazaqtarynyń qaýymdastyǵynyń ókilderi qatysady.
Quryltaı aıasynda «Halıfa Altaı jáne tarıhtyń oralýy» halyqaralyq konferensııasy ótedi, delegattar úshin astananyń kórikti jerlerine, EKSPO-2017 halyqaralyq kórmesine, «Etno-aýyl» keshenine saıahattar uıymdastyrylady. Birqatar mınıstrlikterde dóńgelek ústelder men semınarlar ótkiziledi.
Otyrys qorytyndysy boıynsha QR Premer-Mınıstriniń birinshi orynbasary Astana jáne Almaty qalalarynyń ákimdigi men memlekettik organdarǵa birqatar naqty tapsyrmalar berdi.
A. Mamın Quryltaıdy joǵary deńgeıde ótkizý kerektigin atap ótti.