Otandyq sportshylardy Qazaqstannyń Ázerbaıjandaǵy Elshisi Beıbit Isabaev qarsy aldy.
Kezdesý barysynda elshi sportshylarymyzdyń dodaly jarystarda jemisti óner kórsetetinderine senim bildirip, sáttilik tiledi. Sonymen qatar ol iri sport jıynyna qatysý Qazaqstannyń halyqaralyq alańdaǵy bedelin arttyratynyn aıtty.
«Qazaqstan Mádenıet jáne sport mınıstrligi atalmysh oıyndarǵa qatysý nıetin bildirip, sporttyq quramdy tolyqtaı irikteý arqyly jasaqtady. Keshe alǵashqy sportshylarymyz – dzıýdoıster men boksshylar kele bastady. Jýyq arada ózge de sport túrleriniń ókilderi keledi. Osy dodaly oıyndarǵa elimiz ekinshi ret atsalyspaqshy. Sportshylar jattyqtyrýshylarmen birge bıik nátıjeler kórsetýge daıyn. Sportshylarymyzdyń ornalasatyn jerleri jaqsy, ınfraqurylym jaman emes, qonaqjaıly Baký qalasy bizdi jaqsy qarsy aldy. Islam oıyndarynyń saltanatty ashylýyna arnalǵan sherýden keıin jarystar da bastalady», - dep habarlady QR MSM Sport jáne dene shynyqtyrý komıteti tóraǵasynyń orynbasary Serik Jaqsybaev.
Sonymen qatar, 11 mamyr kúni atletıkalyq qalashyqta qatysýshy-memleketterdiń týyn kóterý rásimi ótti.
Búgin otandyq boksshylar júldeler úshin jarysty bastaıdy.
Esterińizge sala ketsek, 2017 jylǵy 12-22 mamyr aralyǵynda Ázerbaıjanda IV Islam yntymaqtastyǵy oıyndary ótedi. Jarysqa 54 memleketten 3500-ge jýyq sportshy qatysady. Qazaqstan atynan 5 sport túri: boks, dzıýdo, taekvondo WTF, erkin jáne áıelder kúresinde 32 sportshy baq synamaq.