Atmosferalyq fronttardyń ótýine baılanysty jańbyr jaýyp, naızaǵaı oınaıdy, jel kúsheıedi.
Respýblıkanyń tek ońtústik jáne ońtústik-shyǵysynda aýa raı jaýyn-shashynsyz bolady, dep habarlaıdy «Qazgıdromet» RMK. Atap aıtqanda, Aqmola oblysynyń keı jerlerinde jel 15-20 m/s kúsheıip, túnde 2 gradýsqa deıin, Qostanaı, Soltústik Qazaqstan oblystarynyń keı jerlerinde 2-3 gradýsqa deıin aýa temperatýrasy tómendeıdi. Kúndiz naızaǵaı oınap, jeldiń ekpini 15-20 m/s artady. Batys Qazaqstan oblysynyń keı jerlerinde, Almaty oblysynyń Jalańashkól aýdanynda jeldiń kúshi 15-23 m/s bolady. Qaraǵandy oblysynda, kúndiz Jambyl, Ońtústik Qazaqstan, Mańǵystaý, Shyǵys Qazaqstan oblystarynyń jekelegen aýmaqtarynda naızaǵaı oınap, 15-20 m/s jyldamdyqta jel soǵady. Atyraý oblysynyń keı jerlerinde naızaǵaı bolady.