Túrkistan qalasyndaǵy №32 jalpy bilim beretin mektepte oqýshylardyń dene shynyqtyrýyn damytý, salaýatty ómir saltyn qalyptastyrý jáne qysqy sport túrlerin keńinen nasıhattaý baǵytynda júıeli ári nátıjeli jumystar júrgizilip jatyr. Bilim ordasynda sońǵy jyldary sporttyq ınfraqurylymdy nyǵaıtýǵa aıryqsha kóńil bólinip, oqýshylardyń bos ýaqytyn tıimdi uıymdastyrýǵa barlyq jaǵdaı jasalǵan, dep jazady Egemen.kz.
Atap aıtqanda, memleket tarapynan mektepke 90 jup konkı men 90 jup shańǵy berilip, qysqy sport túrlerimen turaqty túrde aınalysýǵa múmkindik qarastyrylǵan.
Múmkindikterdi barynsha tıimdi paıdalaný maqsatynda mektep pen Túrkistan qalasyndaǵy Muz saraı sport kesheni arasynda 2025 jyldyń qańtar aıynan bastap «О́zara yntymaqtastyq týraly memorandým» túzilgen. Kelisim aıasynda mektep oqýshylary ózderine berilgen konkılerdi paıdalanyp, muz aıdynyna kirý qyzmetin jarty baǵamen qoldana alady. Bul bastama ata-analar úshin de qolaıly bolyp, balalardyń sportqa degen qyzyǵýshylyǵyn arttyrýǵa oń yqpal etip jatyr.
Úıirmede jasóspirimderge poıyz basqarý úıretiledi
Qazir mektepte «Muzben syrǵanaý» úıirmesi turaqty túrde jumys isteıdi. Úıirme aıasynda oqýshylar konkı tebýdiń bastapqy ádis-tásilderin meńgerip qana qoımaı, qaýipsizdik talaptaryn saqtaýdy, dene tepe-teńdigin ustap, shapshańdyq pen ıkemdilikti damytýdy úırenip júr. Sonymen qatar úıirme jumysy balalardyń ózara qarym-qatynasyn nyǵaıtyp, komandalyq rýhty qalyptastyrýǵa da septigin tıgizip otyr.
Semeıde «Abaıdyń zııatkerlik izimen» toǵyzqumalaq úıirmesi ashyldy
«Bizdiń basty maqsatymyz – oqýshylardyń jan-jaqty damýyna jaǵdaı jasaý. Búginde balalardyń bos ýaqytyn tıimdi uıymdastyrý óte ózekti másele. Osy rette muzben syrǵanaý úıirmesi – oqýshylardyń densaýlyǵyn nyǵaıtyp qana qoımaı, olardyń sportqa degen qyzyǵýshylyǵyn arttyratyn mańyzdy joba. Memleket tarapynan kórsetilgen qoldaý men seriktestik baılanystardyń arqasynda biz balalarǵa sapaly múmkindik usynyp otyrmyz. Aldaǵy ýaqytta bul baǵyttaǵy jumystardy odan ári jandandyra beremiz, dedi mektep dırektory Aıgúl Babasheva.
Bilim berý uıymdarynda sporttyq baǵyttaǵy bastamalardy damytý – bolashaqta deni saý, belsendi ári maqsatshyl urpaq qalyptastyrýdyń berik negizi bolmaq.