Reseı 2026 jylǵy 1 maýsymnan bastap Eýrazııalyq ekonomıkalyq odaq (EAEO) elderinen avtokólik arqyly ákelinetin taýarlarǵa qatysty jańa sıfrlyq tártipti iske qospaq. Bul ózgeris Qazaqstannyń eksporttyq jetkizilimderine de áser etýi múmkin, dep habarlaıdy Egemen.kz.
Jańa júıe ımporttyq taýarlardy baqylaýdy kúsheıtý jáne kóleńkeli saýdany azaıtý maqsatynda ázirlenip otyr.
Jańa tártipke sáıkes, syrtqy ekonomıkalyq qyzmetke qatysýshylar taýar jetkizilimi týraly aldyn ala málimet usynýy tıis. Olardyń qatarynda: satýshy men satyp alýshy derekteri, taýar týraly aqparat, kólik quralynyń málimeti, jetkizý kúni jáne qamtamasyz etý tólemi týraly derekter bar.
Reseı bıligi iri kompanııalardan VPN qoldanýshylaryn shekteýdi talap etti
Júıe tekseristen keıin árbir jetkizilimge arnaıy sıfrlyq ıdentıfıkator – QR-kod qalyptastyrady. Bul kod taýardyń zańdy túrde tasymaldanatynyn rastaıdy.
Reseı úkimeti bul bastama naryqtaǵy ashyqtyqty arttyryp, «kóleńkeli ımportty» azaıtýǵa jáne tutynýshylar quqyǵyn qorǵaýǵa baǵyttalǵanyn málimdedi.
RF Federaldyq keden qyzmeti jańa tártip aıasynda shekarada mobıldi baqylaý toptary jumys isteıtinin habarlady. Olar avtokólikterdi iriktep tekseretin bolady.
Bıznes ókilderi jańa júıeni qoldaǵanymen, daýly jaǵdaılardy jedel sheshý tetikterin jeńildetý qajettigin atap ótti. Sondaı-aq rásimderdi barynsha yńǵaıly etý máselesi kóterildi.
Reseıdegi jappaı tóbelesten keıin Qazaqstan azamattary qamaýǵa alyndy
Zańnamalyq ózgerister Reseı parlamentinde tolyq maquldanyp, júıeni engizýdiń jol kartasy daıyndalyp jatyr. Jańa júıeniń tolyq iske qosylýy 2026 jyldyń 1 maýsymyna josparlanǵan.