«Ashyq áńgimedegi» aýqymdy másele

Jeńis dańqy kómeskilenbeıdi

Aqparat jáne kommýnıkasııalar mınıstri Dáýren Abaev qazirgi qazaqstandyq úshin  9 mamyr – Jeńis kúni asa qymbat mereke dep esepteıdi. Onyń pikirin­she, el halqynyń 99 paıyzy bul kúnniń qunyn jaqsy biledi.  «Barshamyz bul meıramdy jaqsy kóremiz jáne qurmetteımiz – bastysy da osy. Qalǵanynyń bári, meniń oıymsha, saıasattyń sharýasy. Basty ıdeologııa mynada: biz bul merekeni eleýsiz qal­dyrmaı, jyl saıyn atap ótip kelemiz. Memleket basshysy jyl saıyn «Máńgilik alaýǵa» gúl shoǵyn qoıyp, ardagerler­di quttyqtaıdy», dedi mınıstr «Habar» telearnasyndaǵy «Otkry­­tyı dıalog» jobasy sheń­berinde sóılegen sózinde. Sondaı-aq, Dáýren Abaev «Máńgilik polk» sharasyna qol­daý bildirdi. «Máńgilik polk marshyna qatysty meniń jeke ustanymym – ony qoldaımyn, óıt­keni bul – adamdardyń óz­deri­niń maıdanda qaza tapqan nemese Uly Otan soǵysy kezinde áskerı qyzmette bolǵan ata-baba­laryna degen esteligi. Eń bas­tysy osy. Sondyqtan, bul qadam­dy bizdiń qoldaǵanymyz jón», dedi vedomstvo basshysy. 

Qaýipsizdik – halyq úshin  qajet shara

10 mamyrda Astanada «Quqyq tártibi» dep atalatyn jedel-tájirıbelik shara bastalǵan bola­tyn. Ol 30 mamyrǵa deıin jal­ǵasady. Atalǵan shara aıasynda qujattardy kúsheıtilgen rejim­de tekserý júrgiziledi.  «Astanada turatyn azamat­tar, zań boıynsha, barlyq ereje boıynsha turaqty turatyn jerin­de tirkelýi tıis nemese ýa­qyt­sha tirkeýde bolýy kerek. Bul – qalyptasqan tájirıbe. Meni adamdardyń osy másele alańdatatyny tańǵaldyrady. Astanada turatyn tártip buzbaı­tyn azamattarǵa, osynda úı-jaı­lary bar jáne jumys isteı­tin adamdarǵa alańdaýǵa esh negiz joq», dep sendirdi mınıstr. Dáren Abaevtyń sózine qaraǵanda, EKSPO-2017 qar­sańyn­da jáne ol ótetin kezeń­de qaýipsizdikti kúsheıtý – asa qa­jetti úderis. О́ıtkeni, bizdiń aza­mattarymyz ben kórme qonaqtary asa aýqymdy halyqaralyq shara ýaqytynda destrýktıvti shabýyl­darǵa ushyramaýǵa tıis. «Barshamyz iri sharalar kezin­de «qol jylytqysy» kele­tin elementter de ózderiniń jy­mys­qy is-áreketin kúsheıtýge tyry­­satynyn bilemiz. Sondyq­tan, memlekettiń birinshi kezek­ti mindeti – Qazaqstan azamat­tary men sheteldikterdiń qaýipsiz­dik­terin qamtamasyz etý», dedi osy máselege oraı aıtqan sózinde vedomstvo basshysy.

Interaktıvti portal iske qosylady

«Qazaqstandaǵy 100 jańa esim» jobasy sheńberin­de ınteraktıvti portal iske qosylýy múmkin. «Memleket basshysynyń «Bolashaqqa baǵdar: rýhanı jańǵyrý» baǵdarlamalyq maqa­lasy aıasynda júrgizilip kele jatqan qoǵamdyq sanany jań­ǵyrtý baǵytyndaǵy jumystar ýaqyt ótken saıyn kúsh ala túsip otyr. Jobada kórsetilgen máse­lelerdiń árqaısysy boıynsha jumys toptary qurylǵan.  Osy­ǵan baılanysty kúni erteń  biz de jumys tobynyń alǵashqy oty­rysyn ótkizemiz. Munda nazar aýdaratyn basty másele: biz tizimge engiziletinder Qazaq­stan­nyń shyn máninde  jańa tulǵalary bolýy shart degen uıǵarymǵa keldik.  Bul arada biz  óziniń ómirinde qandaı da bir tabysqa jetken adamdar týraly aıtýǵa tıispiz», dedi mınıstr.  Dáýren Abaev joba aıasyn­da elimizdiń belgisiz tulǵalary tanystyrylýy tıis dep sanaıdy. «Máselen, biz kúndelikti jumys isteıtin qutqarýshylardy, kásip­kerlerdi, shoý-bıznes adam­daryn, muǵalimder men oqytý­shy­­lardy kórsetýimiz kerek. Jaı ǵana kórsetip qoımaı, olardyń ómi­rin, jetken jetistikterin jarııa etýimiz qajet. Bul jerde másele mynada: bizge júz tarıh jasaı alatyn, bizdi bir nársege úıretý qoldarynan keletin júz adamnyń tizimin jasaý mindet. Bul úshin biz jumysy qyzyqty bolýy ábden yqtımal ınteraktıvti portal quratyn shyǵarmyz», dedi sóziniń sońynda mınıstr.