• RUB:
    6.68
  • USD:
    520.93
  • EUR:
    609.07
Basty saıtqa ótý
Qazaqstan 23 Mamyr, 2017

«Bıznestegi arýlar» baǵdarlamasy jalǵasa beredi

220 ret
kórsetildi

Elimizdiń ár shalǵaıynda kásipkerlikpen aınaly­syp júrgen qyz-ke­lin­­shekter 2015 jyldan beri Eýropa Qaıta qurý jáne damý banki men Qazaqstan Úkimeti qarjylandyratyn «Bız­nestegi arýlar» baǵ­dar­­lamasynyń kóme­gine sú­ıenip keledi.

Almatyda atalmysh jo­ba­ǵa qatysty jıyn ótti. Áıel kásipkerlerdiń kezek­ti to­­ǵysýynda osy baǵdar­lama­nyń naqty nátıjeleri sóz boldy. Jáne atalǵan bank qazaqstandyq kásipker áıel­­derdi qoldaýyn jalǵas­tyra­tynyn málimdep otyr.

О́z kezeginde búginge deıin Qazaqstan Úkimeti «Bıznestegi arýlar» baǵdarlamasyna 8,2 mıllıon AQSh dollary kóleminde qarjy bólgen. Qalaı desek te, Ortalyq Azııadaǵy alǵashqy baǵdarlama kásipker arýlarǵa qarjylyq quraldar men bıznestegi noý-haýdy qoljetimdi etýdi kóz­deıdi. Degenmen, bul basta­manyń áıel kásipkerlerge bergen naqty kómegi qandaı? Osy saýaldardyń tóńiregindegi konferensııaǵa Ulttyq ekono­mıka mınıstrligi, «Da­mý» kásipkerlikti damytý qo­ry» AQ, áriptes qarjylyq ınstıtýttar jáne Túrkııa, Kana­da­dan sarapshylar qatysty. 

Baǵdarlama áriptes qar­jylyq ınstıtýttarǵa nesıe jáne ne­sıelik táýekelderdi basqarýdy jáne shaǵyn jáne orta bıznespen aınalysqanda kepil­dendirý ádisterin jaq­sartý, tıimdilikti baǵa­laý jáne esepteý ádis­terin jaq­sartý, nesıe mened­jer­lerin ShOB-pen jumys isteýdi úıretý sekildi tehnıkalyq qoldaý kórsetedi. Qarjymen qosa EQDB tikeleı shaǵyn jáne orta bızneske básekelestikti arttyrýǵa baǵyt­talǵan zamanaýı basqarý tájirıbesin jáne tehnologııasyn engizýge noý-haý alýǵa múmkindik beredi. 

Baǵdarlama iske qosylǵaly beri EQDB 88 keńes berý jobasyn júzege asyrǵan. Jáne EQDB-dan 4 áriptes-qarjylyq ınstıtýt kásipker arýlardy qarjylandyrýǵa 45 mıllıon AQSh dollary kóleminde nesıege qol jetkizgen. Iаǵnı, BankSentrKredıt 20 mıllıon AQSh dollaryn, Shınhan Bank Kazahstan 5 mıllıon AQSh dollaryn, MFO KMF 10 mıllıon AQSh dollaryn, ForteBank Qazaqstan 10 mıllıon AQSh dollaryn alǵan. Oǵan qosa, áriptes-qar­jy ınstıtýttarynyń ne­sıe menedjerleri men menedj­menti baǵdarlama talaptary, qar­jylyq emes qyzmetter men «Bıznes aınasy» atty bıznestiń onlaın dıagnostıka quraly týraly arnaıy semınarlarǵa qatysqan. Jáne EQDB kásipker arý­larǵa «Is-árekettegi bas­shy­lyq», «Marketıngtegi san­dyq tehnologııalar», «Qarjy me­nedj­mentiniń kilti», «Ká­sip­kerden kásiporynǵa deıin» atty semınarlar uıym­das­tyrǵan. Bıyl aqpan aıynda «Qazaqstannyń kásipker arýlaryna arnalǵan tálimgerlik» baǵdarlamasy iske qosylǵan. Tálimger retinde Qazaqstanda bıznes júrgizýde aıtarlyqtaı tájirıbesi bar 28 jetekshi kásipker tańdalynyp alynǵan. Saýaldamaǵa qatysýshylardyń 86 paıyzy baǵdarlama ábden kóńilinen shyqqanyn bildirip, 76 paıyzy tálimgerleriniń joǵary biliktiligin atap ótken. 

Eýropa Qaıta qurý já­ne damý bankiniń Qazaq­stan­daǵy dırektory Ag­rıs Preı­manıstiń piki­rine qaraǵanda, qar­jy ınstı­týt­ta­rynyń «Bız­nestegi arýlar» baǵ­dar­la­ma­syn atqa­rýǵa Qazaq­stan Úki­metiniń qoldaýy ıgi yqpal etýde. 

Aınash ESALI, «Egemen Qazaqstan» 

ALMATY  

Sońǵy jańalyqtar