Qundylyqtar sóıledi

Alǵashqy qadamyn 1997 jyly Berlın qa­lasynan bastaǵan halyqaralyq joba Almatyda tuńǵysh ret 2006 jyly Or­ta­lyq mýzeıde belgili zertteýshi Nur­san Álim­baıdyń uıytqy bolýymen uı­ym­das­tyrylǵan bolatyn. Sodan beri úz­dik­siz ótip kele jatqan mádenı sharaǵa ha­lyqtyń qyzyǵýshylyǵy jyldan-jylǵa artyp keledi. Tarıhı-mádenı murany na­sı­­hattaýǵa arnalǵan sharada kórermen na­zaryna mýzeı qorynan jáne jeke kollek­sııa­lardan jańa kórmeler usynylyp, má­de­nı-rýhanı dıalog jasaýǵa dańǵyl jol ashyl­dy. Uıymdastyrýshylar sahnalyq qoı­ylymdar men tarıhı keıipkerlerdiń ob­razynda kórme zaldarymen tanystyrdy. An­dronov mádenıetiniń áıel adamy men saq hanshaıymy Tomırıs Qazaqstannyń eje­l­gi jáne ortaǵasyrlyq tarıhymen ta­nys­tyrsa, tarıhı etnografııa zalynda qa­zaq batyrlary qylyshtasý ónerin kór­set­ti.  Mýzeı dırektorynyń mýzeılik menedjment jáne marketıng jónindegi orynbasary Bıbigúl DANDYǴARAEVA: «Mýzeı túni» – shyǵarmashyl adamdar­men se­riktesý alańy. Almaty qalasyndaǵy ult­tyq mádenı jáne bilim berý ortalyqtary, óner, mádenıet jáne ǵylym qaıratkerleri, shy­ǵarmashylyq stýdııalar men qoǵamdyq qor­lar, bıznes-qurylymdar jyl saıyn «Mý­zeı túni» sharasyna belsene qatysyp ke­ledi. Bul kúni mýzeı ulty, jasy, dinı kóz­qarastary men qyzyǵýshylyqtary ár­túrli jandardyń bas qosyp, pikir almasýyna jaǵdaı jasaıtyn alańǵa aınaldy», dedi. Sondaı-aq, Almaty qalasynyń qazir­gi zamanǵy sýretshi-músinshileri men bi­re­geı avtorlyq jumystardyń «Músin má­denıeti» kórmesi, shved sýretshisi Tý­ve Krabonyń «Qylmys oryndary: Al­ǵash­qy naızaǵaı» kórmesi usynyldy. «Positive life Studio», «Tesla art laboratory» kom­panııalary usynǵan proektorlyq, pı­kseldi, jaryqdıodty kartınalar; Shvesııalyq qonaqtardyń quttyqtaýy – Perfomans «Kaspıı teńizindegi Vı­kın­g- ter» jáne «Baidaralin Studio» usynǵan qa­zaq sadaqshylary; «Tribal Pro», «Dance Studio», «Cuban Mix» usynǵan bı shoýy; «Imperıal», «Seıshn» shoý-baleti; «Almaty Barabandary» shoýy; «Fire Sunset» kompanııasynyń ot shashýy, «Big bubble» kompanııasynan sabyndy kópirshikter shoýy; «Lımpopo» kompanııasynan ǵylymı shoýy; aǵash aıaqty ónerpazdar men sıqyrshy Mıhaıl Gýttorov jáne «Gorod skazkı» kompanııasynyń VR-kózildirik, sondaı-aq, tarıhı obrazdardaǵy «Jandy músinder» mýzeı túnine merekelik saltanat syılady.

Baǵashar TURSYNBAIULY, «Egemen Qazaqstan»

ALMATY