Mańǵystaýda qazaq, orys jáne aǵylshyn tilderinde erkin sóıleıtin ustazdardyń arasynda "Úzdik kóptildi pedagog-2016" oblystyq baıqaý ótti. Qazan aıynda jarııalanǵan baıqaýǵa qatysýshylar oqytý ádisteri, tildik qory men sóıleý sheberlikteri, sondaı-aq ár tildiń erejesin bilýi boıynsha synaldy.
Baıqaýǵa oblys boıynsha ártúrli pánderden sabaq beretin 30 muǵalim qatysyp, júırik tanylǵan 6 muǵalim iriktelip shyqty. Birinshi oryndy jeńip alyp, «Úzdik kóptildi pedagog - 2016» atanǵan Munaıly aýdanyndaǵy mektepterdiń birinde hımııa páninen sabaq beretin Gúlbaný Bekbasarova ótken jyldan bastap úsh tildi oqytý júıesine kóshtkendigin, úsh tilde oqytýdyń ereksheligi - ózge tilde erkin sóıleı alatyn balalardyń joǵary oqý ornyna túsken kezde nemese shetelge shyqqanda tilge qatysty qıyndyqqa kezikpeıtindigimen túsindirdi.
Gúlaıym ShYNTEMIRQYZY, "Egemen Qazaqstan".
Mańǵystaý oblysy