Búkilálemdik boks serııasynyń (WSB) kezekti 7-shi maýsymy 2017 jyldyń aqpan aıynda bastalady, dep habarlaıdy QazAqparat.
Bıyl Búkilálemdik boks serııasynda komandalar ornalasqan qurlyqtary boıynsha tórt-tórtten amerıkalyq, eýropalyq jáne azııalyq bolyp 3 topqa (jobaǵa barlyǵy 12 komanda qatysady) bólindi.
Eki dúrkin chempıon atanǵan «Astana arlandary» kelesi jańa maýsymda jobaǵa qaıta oralǵan China Dragons (Qytaı), Uzbek Tigers (О́zbekstan) jáne Russian Boxing Team (Reseı) komandalarymen bir topta óner kórsetedi. Endi «Astana arlandarynyń» jańa quramy ulttyq quramamen birge qańtar aıynda Almatyda ornalasqan AIBA-nyń Boks akademııasynda jattyǵý jıyndaryn ótkizedi.
Sonymen qatar, qańtarda boksshylarmen kelisimshart jasalyp, «Astana arlandarynyń» WSB-dyń jetinshi maýsymyna tusaýkeseri ótkiziledi. Komandanyń negizgi quramyna 10 salmaq dárejesi boıynsha 20 boksshy enedi jáne 17 boksshy qosalqy quramdy tolyqtyrady. Olar:
49 kg: Temirtas Júsipov, Ermek Madıev;
52 kg: Oljas Sáttibaev, Ánýar Muzaparov;
56 kg: Ilııas Súleımenov, Janbolat Qydyrbaev;
60 kg: Zákir Safıýllın, Mırasáli Sársenov;
64 kg: Dilmurat Mijitev, Maqsat Jeksenbi;
69 kg: Aslanbek Shymbergenov, Qanaǵat Maralov;
75 kg: Erik Áljanov, Saparbaı Aıdarov;
81 kg: Nurdáýlet Jarmanov, Arman Rysbek;
91 kg: Anton Pınchýk, Muhamedjan Erkin;
+91 kg: Oljas Boqaev, Dmıtrıı Zısko.
Aıta keteıik, salmaq dárejeleri jyldaǵydaı S1 jáne S2 toptaryna bólinedi. S1 tobynda: 49 kg, 56 kg, 64 kg, 75 kg jáne 91 kg salmaq dárejelerindegi boksshylar bolady. S2 tobyna: 52 kg, 60 kg, 69 kg, 81 kg jáne +91 kg salmaq dárejeleri enedi. Maýsym barysynda komandalar S1 jáne S2 toptarynda kezek-kezek kezdesýler ótkizetin bolady. Arlandardyń alǵashqy kezdesýi Reseıde aqpan aıynyń basynda ótedi.