Táýelsizdik – barshamyz úshin ortaq tabys

«QazTransOıl» AQ óziniń óndiristik jetistikterimen el Táýelsizdiginiń nyǵaıa túsýine ózindik salmaqty úlesin qosýda El Táýelsizdiginiń 25 jyldyǵyn atap óte otyryp, magıstraldy  munaı qubyry boıynsha ulttyq operator «QazTransOıl» AQ ta óz qyzmetiniń qorytyndysyn shyǵarýda. Munaıdy eksportqa jáne ishki naryqqa qubyr kóligimen tasymaldaý arqyly kompanııa elimizdiń damýyna qomaqty úles qosýda.  Táýelsizdiktiń 25 jyldyǵyna oraı, Qazaqstanda aıtarlyqtaı iri jetistikter júzege asyrylýda. Solardyń biri – sońǵy 40 jylda ashylǵan iri ken oryn­dary­nyń biregeıi Qashaǵandaǵy kommer­sııa­lyq munaı óndirisiniń bastalýy. Qashaǵan ken ornyn iske qosý saltanaty aǵymdaǵy jylǵy 7 jeltoqsanda Atyraýda aımaqtyq telekópir aıasynda El­basy Nursultan Nazarbaevtyń qa­ty­sýy­­men ótti. Sondaı-aq, aımaqtyq tel­e­kópir barysynda Memleket basshysyna tanystyrylǵan taǵy bir nysan – «QazTransOıl» AQ Batys fılıaly Aty­raý munaı qubyry basqarmasynyń jań­ǵyrtý­dan ótken «663 km» MAS boldy. «663 km» MAS-ty qaıta qalpyna keltirý jáne keńeıtý jumystary Qazaq­stan – Qytaı munaı qubyrlary qury­lysy jobasynyń ekinshi kezeńindegi ekin­shi kezegi aıasynda júzege asyryldy. Bul túrli júk jóneltýshilerdiń, sol sekildi Qashaǵan munaıyn Qytaı Halyq Res­pýblıkasy baǵytynda tasymaldaý múmkindigin qamtamasyz etý, sondaı-aq, Batys Qazaqstan munaıyn otandyq munaı óńdeý zaýyttaryna jetkizý maq­satynda qolǵa alynǵan is. «QazTransOıl» AQ qyzmetiniń negizgi baǵyttarynyń biri – Qytaıǵa eks­portqa munaı tasymaldaý bolyp tabylady. Qazaqstan – Qytaı munaı qubyr­­lary júıesi qurylysy boıynsha halyqaralyq jobany júzege asyrý aıasynda alǵash salynǵan Atasý – Alashańqaı eksporttyq munaı qubyrynyń iske qosyl­ǵanyna 2016 jyly 10 jyl toldy. 2005 jyly jeltoqsan aıynda Qazaq­­stan Respýblıkasy Táýelsizdigi kúni qarsańynda elimizdiń Prezıdenti Nursultan Nazarbaev álemdik dárejedegi alǵashqy eksporttyq munaı qubyryn iske qosty. Bul munaı qubyrynyń Qazaqstan munaıyn tasymaldaýda kópbaǵyttylyq qaǵıdatty qamtamasyz etý strategııasyn júzege asyra otyryp, bolashaǵy zor Qytaı naryǵyna tikeleı jol ashatyn TMD keńistigindegi alǵashqy eksporttyq qubyr jelisi bolǵanyn atap aıtý kerek. Munaı qubyry iske qosylǵannan keıin qazaqstandyq munaı eksportynyń jańa qubyr baǵyty ashyldy, qolda bar munaı qubyry júıesi toltyryldy, elimizdiń tranzıttik áleýeti paıdalanylyp, jańa jumys oryndary ashylyp, memlekettik bıýdjetke qosymsha salyq túse bastady.  

О́tken jylǵa ókpe joq

Qazaqstan – Qytaı magıstraldy munaı qubyrlary júıesin damytý búgingi kúni de eki el arasyndaǵy munaı-gaz salasyn­daǵy qarym-qaty­na­styń mańyzdy faktory bolyp tabylady. Bul turǵyda uzyn­dyǵy 965 shaqyrymnan astam Atasý – Alashańqaı munaı qubyry osy iri ári strategııalyq mańyzy zor jobany júzege asyrý­daǵy alǵashqy kezeń boldy. Joba «QazTransOıl» AQ jáne CNODC munaı men gazdy barlaý jáne óńdeý bo­ıynsha Qytaı ulttyq korporasııasy ara­synda qurylǵan «Qazaqstan – Qytaı qubyry» JShS birge baqylanatyn uıymy tarapynan júzege asyryldy. Sonymen qatar, Qazaqstan – Qytaı magıstraldy munaı qubyrlary júıesiniń qurylysyn ári qaraı júzege asyrý jobasynyń bir bóligi bolyp tabylatyn Atasý – Alashańqaı elimizdegi ener­getıkalyq qaýipsizdik máse­lesin sheshýge de baǵyttalǵan. Iаǵnı Pav­lodar men Shymkenttegi munaı óńdeý zaýyttaryn shıkizatpen qamtamasyz etedi. 2013 jylǵy jeltoqsan aıynda Atasý – Alashańqaı munaı qubyry áleýetin ári qaraı damytý jáne júzege asyrý maqsatynda «QazTransOıl» AQ pen «Rosneft» UK» AAQ arasynda 2014 jyldyń 1 qańtarynan bastap jylyna 7 mıllıon tonna munaı tasymaldaý týraly kelisimshartqa qol qoıyldy. Kelisimshart merzimi – 5 jyl, ony avtomatty túrde qosymsha taǵy 5 jylǵa sozý múmkindigi bar. Atasý – Alashańqaı munaı qubyry­nyń qarqyndy damýy Qazaqstannyń munaı tasymaldaý júıesiniń kópbaǵyt­ty júıesin iske asyrýmen qatar, qatań básekelestik jaǵdaıynda strategııa­lyq shıkizatty ótkizýdiń senimdi arna­syn qamtamasyz etýge múmkindik berdi. 2006 jyly Atasý – Alashańqaı munaı qubyry paıdalanýǵa berilgen ýaqyttan bastap 2016 jyldyń jeltoqsanyna deıin munaı qubyry arqyly Qytaıǵa 96 mıllıon tonnadan astam munaı tasymaldandy. Atasý – Alashańqaı munaı qubyry­nyń qurylysy men qoldanysqa berilýi aı­maqtardyń áleýmettik damýyna aı­tar­lyqtaı áser etti. 2006 jyly Atasý – Alashańqaı munaı qubyry bóli­gin paıdalaný, tehnıkalyq qyzmet kór­setý jáne jóndeý jumystary boıyn­sha operatorlyq qyzmet kórsetý maq­satyn­da Úsharalda Úsharal munaı qubyry basqarmasy quryldy (qazirgi ataýy – «QazTransOıl» AQ Shyǵys fılıaly Operatorlyq qyzmetter basqar­masy. Avt. eskertýi). Jańa jumys oryn­darynyń ashylýymen qatar Úsharal­da 2010 jyly Úsharal munaı qubyry basqarmasy qyzmetkerleri úshin ınfraqurylym men kommýnıkasııalyq jelisi qarastyrylǵan, abattandyrylǵan turǵyn úıler turǵyzyldy. Keıin «QazTransOıl» AQ demeýshiligimen osy qalada eki sport alańy salyndy. Strategııalyq jáne kólemdi halyq­aralyq jobany júzege asyrý aıasynda Qaraǵandy oblysy Atasý kenti de jańasha damýdy betke aldy. 2012 jyly kompanııa Qaraǵandy oblysy, Jańaarqa aýdany, Atasý aýylyn­da 170 balaǵa arnal­ǵan zamanaýı balabaqsha qurylysyn qarjylandyryp, syıǵa tartty. Buny kompanııanyń óz qyzmetkerlerine degen qamqorlyǵy dep baǵalaǵan abzal. О́ıtkeni, aýyldan jeti shaqyrym qashyqtyqta ornalasqan «Atasý» bas munaı aıdaý stansasynda eńbek etetin jumysshylar negizin jergilikti turǵyndar quraıdy. Kompanııa halyqaralyq sapa, ekologııa men qaýipsizdik standartyn basymdyqqa alýmen qatar, aıqyn áleýmettik saıasatty da ustanady. Ol saıasat mynaǵan saıady: ózińniń óndiristik múddeńdi ǵana eskermeı, turǵyndarǵa qaıyrymdylyq jáne demeý­shilik kómek kórsetip, aımaqtyń qa­jet­tiligin de ótegen jón. 19 jyl qyz­met barysynda «QazTransOıl» AQ elimiz boıynsha áleýmettik mańyzy bar kóp­tegen nysandardy saldy, olar – bala­baq­shalar, mektepter, medısınalyq meke­me­ler, sport keshenderi jáne t.b. Ústi­miz­degi jyldyń qyrkúıek aıynda OQO, Sozaq aýdany, Sholaqqorǵan aýylynda «QazTransOıl» AQ-tyń demeýshilik qarjysyna jańa balabaqsha salynyp, saltanatty ashylý rásimi ótti. Mektepke deıingi bul mekeme oblystaǵy jer kólemi boıynsha eń úlken aýdanda turatyn jas otbasylar úshin taptyrmas kómek boldy. Qazirgi ekonomıka úshin qıyn kezeńde de elimizdiń munaı qubyry júıesi turaqty jumys jasaýda – belgilengen josparlar oryndalýda, al jańa jobalar belgilengen ólshemderge sáıkes júzege asyrylýda. «QazTransOıl» AQ bas dırektory (Basqarma tóraǵasy) Dımash Dosanovtyń aıtýynsha, kompanııa ekonomıkadaǵy ózgeristerdi muqııat qadaǵalaýda jáne bul salanyń turaqty jumys jasaýyn jaıly jaǵdaıdaǵy ýaqytta ǵana emes, únemi ózgermeli jaǵdaıda da qamtamasyz etýge ázir. «Biz belgilengen jospardy oryn­daýǵa umtylamyz, biraq syrtqy táýe­kel ulǵaıa bastaǵan kezde, jaǵdaıdyń al­dyn ala otyryp jumys isteýge de ázirmiz», – deıdi Dımash Dosanov. Osylaısha, 2016 jyldyń 9 aıynyń nátıjesi boıynsha, munaı tasymaly­nyń shoǵyrlandyrylǵan kólemi 42,4 mıllıon tonnany qurady. Bul josparly kórsetkishten 1%-ǵa joǵary. Sol sekil­di «QazTransOıl» AQ-tyń magıs­tral­dy munaı qubyrlary boıynsha sho­ǵyr­­landyrylǵan júk aınalymy 2016 jyl­dyń 9 aıy ishinde shaqyrymyna 32,5 mıllıard tonnany qurady, bul – jospardan 2%-ǵa joǵary. «QazTransOıl» AQ «Astrahan – Mańǵyshlaq» sý qubyry arqyly Volga sýyn Atyraý jáne Mańǵystaý oblystarynyń turǵyndaryna jetkizedi. 2016 jylǵy qańtar-qyrkúıek aıynda sý jetkizý kólemi 19,2 mıllıon tekshe metrdi qurady, bul 2015 jyldyń sáıkes kezeńimen salystyrǵanda 1%-ǵa kóp jáne jospardan 8%-ǵa artyq. Qarjylyq kórsetkishterge de kóńil toq. Bıylǵy jyldyń 9 aıy ishinde «QazTransOıl» AQ-tyń shoǵyr­lan­dyrylǵan taza kirisi 43,02 mıllıard teńgeni qurady, bul 2015 jylǵy sáıkes kezeńmen salystyrǵanda 11%-ǵa jo­ǵary. Atalmysh kezeńdegi kompanııanyń shoǵyrlandyrylǵan túsimi 154,4 mıllıard teńgeni qurady, bul 2015 jylǵy 9 aı ýaqyt ishindegi túsimnen 2%-ǵa kem. Munaı tasymaly kólemi qysqa­ryp, túsimniń azaıýyna qaramastan, kompanııa óndiristegi jumysshylarǵa jalaqyny ındeksteý múmkindikterin iz­destirdi. Osylaısha, «QazTransOıl» AQ óz jumysshylarynyń jáne olardyń otbasylarynyń qosymsha áleýmettik qorǵalýyn qamtamasyz etýde, satyp alý qabileti men tutynýshylyq suranys­ty qoldaýda. Bul – elimizdegi ekono­mı­ka­lyq turaqtylyqtyń mańyzdy kórsetkish­teri. Jáne kompanııa elimiz­diń iri salyq tóleýshisi bolyp otyr, ol elimizdiń bıýd­jetine turaqty salyq mólsherin jiberýde, ıaǵnı salyq tóleýshi retindegi min­detin adaldyqpen atqarý­da. Mundaı jumys eskerýsiz qalma­dy: bıylǵy jyly qarasha aıynda Qazaq­stan Respýblıkasy Qarjy mınıstr­ligi Memlekettik kirister komıtetiniń Astana qalasy memlekettik kirister departamenti 2015 jyl nátıjesi boıynsha «QazTransOıl» AQ-ty Astana­nyń eń úzdik salyq tóleýshisi retinde atap ótti. 2015 jyl nátıjesi boıyn­­sha, «QazTransOıl» AQ-tyń mem­le­ket­tik bıýd­jetke tólegen salyq mólsheri men bas­qa da mindetti tólemder kólemi 29,2 mıl­­lıard teńgeni qurady.  

Tıimdilikti arttyrý

Qurylǵanyna 20 jyl tolatyn mereıtoı qarsańynda «QazTransOıl» AQ qyzmetiniń joǵary deńgeıin kórsetýde. О́ıtkeni, kompanııa óz qyzmetiniń tıim­di­ligin arttyryp, shyǵyndardy ońtaı­lan­dyrý máselesine kóp kóńil bóledi. Osy jumys aıasynda 2015 jyly kompanııada tıimdilikti arttyrý bo­ıynsha 2,3 mıllıard teńgege baǵalanǵan is-sharalar júzege asyryldy. 2013-2015 jyldary bul kórsetkish 7,7 mıllıard teńgeni qurady. Tıimdilikti ul­ǵaıtý úshin rezervter ár túrli saladan qaras­tyrylady. Máselen, jelilik munaı qubyr­­laryn sholǵyndaý saǵattaryn azaı­tý, tehnıkalyq ınnovasııalardy engizý, rezervti avtomatty túrde qosyp, jyl­dam áser etetin qurylǵy men jıi­lik-rettelmeli tartpa engizý arqyly aı­tar­lyqtaı únemdeý josparlanýda. Bul ózgeristerdiń «QazTransOıl» AQ qyzmetkerleri «ońtaılandyrýdy qa­jet etpeıdi» dep ataıtyn birqatar ba­ǵyt­­tarǵa áseri bolmady. Bular – eń­bek qaýipsizdigi, qorshaǵan ortany qor­ǵaý, ónerkásiptik jáne órt qaýipsizdigi. Kom­­pa­nııa qyzmetiniń bul baǵyttary asa ma­ńyz­­dy sanalady. О́ıtkeni, bul másele­ler­­ge nemquraıdy qaraıtyn kompanııa ju­my­syn tabysty bolady dep aıtý qıyn. Qorshaǵan ortaǵa júktemeni únemi tómendetip otyrý – «QazTransOıl» AQ úshin negizgi strategııalyq mindet. Buǵan, eń aldymen, qubyr jelisi júıesiniń apat­syz jumys isteýi kómegimen qol jet­kizildi, al tabıǵatty qorǵaýdyń barlyq qyzmeti halyqaralyq standart talaptaryna saı júrgiziledi. Bul saladaǵy jumysty júıelendirý maqsatynda kompanııada keshendi ekologııalyq baǵdarlama daıyn­dalǵan. Munaı ken oryndaryn daıyn­daýdyń bastapqy kezeńinde jáne munaı tasymaly júıesin jolǵa qoı­ǵan kezde paıda bolatyn «tarıhı» lastanýdyń kózin joıýǵa aıtarlyqtaı kóńil bólinedi. О́ndiristik qyzmettiń qor­shaǵan ortaǵa áser etý deńgeıin anyq­taý úshin mamandandyrylǵan uıym­dar «QazTransOıl» AQ nysandary mań­a­ıyn­daǵy aýanyń, topyraqtyń, jer asty sýlarynyń monıtorıngin ótkizedi. Zertteý nátıjeleri kompanııanyń óndiristik nysandarynan qorshaǵan ortaǵa eshqandaı jaǵymsyz áser bolmaıtynyn rastaıdy. Qazir kompanııada eńbek qaýipsizdigi men eńbekti qorǵaý salasynda «Altyn erejeler» dep atalatyn «QazTransOıl» AQ Kodeksi daıyndalyp jatyr. Bul – jumysty oryndaý barysyndaǵy qaýip­sizdikti saqtaý talaptary. Olar kompa­nııa­nyń eńbek qaýipsizdigi men eńbekti qorǵaý salasyndaǵy, ónerkásiptik jáne órt qaýipsizdigi, qorshaǵan ortany qor­ǵaý saıasatyn júzege asyrýǵa, Qazaq­stan Respýblıkasy zańnamasy men halyq­ara­lyq standarttar talaptaryn oryn­daýǵa jaǵdaı jasaıdy. Bul kodeks «QazMunaıGaz» UK» AQ-tyń Altyn ereje­leri», Qazaqstan Respýblıkasy zań­na­masy, kompanııanyń normatıvtik akti­leri, aldyńǵy qatarly munaı-gaz kom­pa­nııa­larynyń eńbek qaýipsizdigi men eńbek­ti qorǵaý salasyndaǵy halyqaralyq ozyq tájirıbeleri, sondaı-aq buryn bol­ǵan jazataıym jaǵdaılar, keleńsiz oqıǵa­lar jáne apattar jónindegi resmı aqparat­tardy saraptaý negizinde daıyndaldy. – Qyzmetkerlerimizdiń qaýipsiz­digi árdaıym jumysymyzdyń basty artyq­shylyǵy bolyp keldi jáne bola bermek. Biz óz qyzmetkerlerimizge eńbek etýde jaıly jaǵdaı jasap berdik, qaýip­ti óndiristik jáne tabı­ǵı faktor­lar­dyń jaǵymsyz áserin tómen­detýge baǵyttalǵan jan-jaqty jumys júrgizý­demiz, – dep atap ótti Dımash Dosanov. Jáne bul qyzmet nátıjeleri kózge kórinip tur. Bıyl qazan aıynda ótken «QazTransOıl» AQ menedjmentiniń biriktirilgen júıesiniń ınspeksııalyq aýdıti nátıjesi boıynsha, SGS kompanııasy organy osy kompanııa qyzmetiniń tómendegi halyqaralyq standart talaptaryna saı keletinin rastady: ISO 9001:2015 sapa menedjmenti júıesi, ISO 14001:2015 ekologııalyq menedjment júıesi, OHSAS 18001:2015 densaýlyqty qorǵaý jáne eńbek qaýipsizdigin qamtamasyz etý menedjmenti júıesi jáne ISO 50001:2011 energetıkalyq menedjment júıesi.  

Jańa jobalar ıgilikke bastaıdy

Eksporttyq múmkindikti damytýmen qatar, «QazTransOıl» AQ-ta ishki munaı qubyry jelilerin damytý da mańyzdy mindet bolyp sanalady. Bul úshin kompanııa óziniń óndiristik nysandarynyń senimdiligin joǵarylatý maqsatynda oǵan qarjy quıady. Qubyr jelisi ınfraqurylymyn jań­­ǵyrtý boıynsha iri jobalardyń ishin­de Qalamqas – Qarajanbas – Aqtaý jáne О́zen – Jetibaı – Aqtaý magıstral­dy munaı qubyrlaryn qalpyna keltirý jumys­tary bar. Sońǵysyn qaıta jóndeý aıaq­taldy, ol qoldanysqa engizildi. Kele­si joba 2019 jyly bastaý alady. Oryn­dalǵan jumystardyń nátıjesinde Bozashy munaıyn Aqtaýdan Atyraý baǵy­tyna úzdiksiz tasymaldaý úshin Qazaq­stan munaı qubyry júıesiniń senim­di­ligi men qaýipsizdik deńgeıi arttyrylady. «QazTransOıl» AQ memlekettik jáne nesıelik qarjylardy paıdalanbaı, bar­lyq jobalardy óz qarajatymen qar­jylandyryp otyr. Jaqynda kompanııa Týımazy – Omby – Novosibir-2 (TON-2) magıstraldy qubyr jelisiniń Qazaqstanǵa tıesili teliminiń jelilik bóligin aýystyrý boıynsha kólemdi jobany aıaqtady. TON-2 qubyr jelisiniń kúrdeli jóndeý jumystary sońǵy úsh jyl boıy júrgizildi. Bul qazaqstandyq qubyr jelisiniń telimi boıynsha munaı tasymaly senimdiligin qamtamasyz etý úshin, sonyń ishinde, otandyq munaıdy Pavlodar munaı-hımııa zaýytyna jetkizý úshin jáne Qazaqstan aýmaǵy arqyly Reseı munaıyn QHR baǵytyna tasymaldaý úshin jasalyndy. Oryndalǵan jumystar nátıjesinde búginde TON-2-niń ótkizý qabileti jylyna 10 mıllıon tonnaǵa deıin jetkizildi. Jalpy, TON-2 munaı qubyryn kúrdeli jóndeý jobasy aıasynda 185,6 shaqyrym qubyr jelisi aýys­tyryldy. Bul osy halyqaralyq kólik tarmaǵynyń tasymal­daý múmkindikterin aıtarlyqtaı ulǵaıtatyn bolady.  

Adam resýrstaryn damytý

Bıylǵy jyly munaı qubyry jumys­shylary kásibı turǵydan jáne sport­tyq jarystarda da jetistikterge jetti. «QazTransOıl» AQ-tyń bes jumysshysy «QazMunaıGaz» kompanııasynyń Aqtaý qalasynda alǵash ótkizgen «Úzdik maman-2016» kásibı sheberlik saıysynda óz mamandyqtary boıynsha jeńimpaz atandy. Kompanııanyń myńdaǵan adamnan turatyn ujymy ózderiniń áriptesteri Daýlen Japarhanov, Zınaıda Dáýletova, Dastan Qanybaev, Janat Ertasov jáne Artýr Sladkovtyń munaı-gaz salasyndaǵy úzdik kásibı sheberler konkýrsynda jeńiske jetkenine shyn júrekten qýandy. 2016 jyly qyrkúıekte Astanada «QazMunaıGaz» UK» AQ spartakıa­dasynda sport alańynda munaı qubyry qyz­metkerleri keremet nátıje kórsetti. Spar­takıada 9 sport túri boıynsha ótti. Oǵan «QazMunaıGaz» kompanııasy­nyń 30 uıy­mynan 500 qyzmetker qatys­ty. «QazTransOıl» AQ qyzmetkerleri jeke saıystarda da jáne komandalyq jarys túrlerinde de sany jaǵynan júl­­deli oryndarǵa ıe boldy. Sóıtip, jalpy­­ko­man­dalyq esepte birinshi oryn­dy jeńip aldy. Sportshylardyń jetis­tik­teri munymen shektelip qalmady – «QazTransOıl» AQ-tyń qurama komandasy Máskeýde ótken Reseı Federasııasy jáne TMD elderiniń munaı-gaz salasyn­daǵy kásiporyndary ara­syndaǵy Tabıǵı qorlar kýbogynda mı­nı-fýtbol boıynsha ekinshi oryndy ıelendi. 2016 jyly kompanııada kásipodaq qozǵalysynyń belsendi damýyna jol ashyldy. Onyń qyzmeti kompanııa qyz­metkerleri múddesin qorǵaýǵa jáne usy­ný­­ǵa baǵyttalǵan. Búginde ortalyq ap­pa­­ra­tta jáne «QazTransOıldyń» bar­lyq 4 fılıalynda, Qazaqstannyń búkil oblystarynda ornalasqan qury­lym­dyq bólimshelerinde qyzmet­ker­ler­diń kásip­odaq uıymdary quryl­ǵan, kásipodaq komı­tetteriniń tóraǵa­lary saılanǵan. 27 jeltoqsanda ortalyq apparatpen oǵan qarasty fılıaldardyń qyzmetkerlerdiń ókilderi arasynda kelisimshartqa qol qoıyldy. Mundaǵy maqsat – «QazTransOıl» AQ qyz­metkerlerine áleýmettik qoldaý kórsetý. Basqasha aıtsaq, «QazTransOıl» AQ 2017 jańa jylǵa úlken jetistikteri­men jáne josparlarymen kiredi. Kom­panııa­nyń magıstraldy munaı quby­ry júıe­leri arqyly úzdiksiz munaı tasy­ma­lyn qamtamasyz ete otyryp, jańa baǵyt­tar ashyp, nysandar salyp, óz ujymy jáne elimizdiń aımaq­taǵy tur­ǵyn­dary­nyń áleýmettik qana­ǵat­­tanýyna qamqor­lyq jasaı otyryp, «QazTransOıl» AQ munaı óndirýshi jáne munaı óńdeýshi óner­kásip arasyndaǵy, shıki­zat jáne ındýstrıal­dyq aımaqtar ara­syn­daǵy baılanys­tyrýshy býyn bola oty­ryp, elimizdiń bire­geı tranzıttik múm­kin­dikterin júzege asyryp otyrǵan táýel­siz­diktiń myqty tasyma­l tamyryna aınaldy. Marat AQQUL, «Egemen Qazaqstan»