Amsterdamda úısizderge arnap tólem termınaly bar kıimder shyǵaryldy. Endi jergilikti turǵyndar qaıyr tileýshilerge qolma-qol aqshasyz tólem jasaı alady, dep jazady Stock News.
Mundaı kıimderdi jasaýshylar sońǵy kezderi turǵyndardyń qaltasynda aqshasy bola bermeıtindikten, qaıyrshylardyń jaǵdaılary nasharlap ketkenin aıtyp otyr. Endi osy joba arqyly bir eýro berý úshin bank kartasyn qaıyr tileýshiniń kıimindegi termınalyna jaqyndatý jetkilikti bolmaq. Al jınalǵan barlyq qarajat úısizderge kómek kórsetetin ortalyqqa aýdarylady.
Ázirge osyndaı ádispen qaıyr tilep júrgender biren-saran. Eger qaıyrymdylyq jobasy jergilikti turǵyndardyń kóńilinen shyqsa, onyń aıasyn keńeıtý josparlanǵan.