Ońtústik Qazaqstan oblysynda osy jyldyń 11 aıynda ónerkásip kásiporyndarymen 710,6 mlrd. teńgeniń ónimi óndirildi, dep habarlady OQO ákiminiń baspasóz qyzmeti.
Bul ótken jyldyń osy kezeńimen salystyrǵanda 113,8 mlrd. teńgege artyq. Osy kórsetkishpen oblys respýblıka boıynsha 4-oryndy ıelenip otyr.
О́ndirilgen ónimderdiń ishinde ken óndirý 208,3 mlrd. teńgeniń, óńdeý ónerkásibinde 437,8 mlrd. teńgeniń ónimi óndirilse, elektrmen jabdyqtaý, gaz, bý berý jáne aýa baptaý salasynda 52,7 mlrd. teńgeniń, al sýmen jabdyqtaý boıynsha 11,8 mlrd. teńgeniń ónimi óndirildi.
Sonymen qatar, óńirde Indýstrıalandyrý karta aıasynda jalpy quny 227,9 mlrd. teńge bolatyn 150 joba iske qosyldy. Nátıjesinde 13,2 myń jańa jumys orny ashyldy. Al 2016 jyldyń 11 aıynyń qorytyndysy boıynsha Indýstrıalandyrý kartasyndaǵy jobalarmen 99,5 mlrd. teńgeniń ónimi shyǵarylsa, ónerkásiptiń 90 paıyzdan astamy jobalyq qýattylyqty ıgergen.
Sondaı-aq, 2010-2016 jyldary Indýstrıalandyrý kartasy aıasynda iske qosylǵan jobalarmen 280 mlrd.teńgeden astam ónim shyǵarylǵan.
О́ńirdiń ınvestısııalyq tartymdylyǵyn arttyrý, shaǵyn jáne orta bıznestiń damýyna qolaıly jaǵdaı jasaý maqsatynda oblystyń barlyq aýdan, qalalarynda 11 ındýstrıaldy aımaq qurylýda.
Nátıjeli jumystyń arqasynda 2010 jyly elimizde eń alǵashqy bolyp qurylǵan «Ońtústik» ındýstrıaldy aımaǵyndaǵy kásiporyndar memlekettik tabys salyǵyna 5,3 mlrd. teńge kóleminde qarjy túsirgen.
Osylaısha, «Ońtústik» ındýstrııalyq aımaq kásiporyndarynyń salyq túsimderiniń esebinen 77,9% bıýdjet qarajatynyń orny toltyryldy.