Qytaıda álemdegi eń bıik kópirde kólik qozǵalysy ashyldy, dep habarlady VVS. Beıpanszıan kópiri jerden 565 metr bıiktikte ornalasqan. Uzyndyǵy - 1341 metr. Onyń qurylysyna 3 jyl ýaqyt ketipti. Ol Iýnnan jáne Gýıchjoý provınsııalaryn jalǵastyryp jatyr.
Atap óter jaıt, sońǵy jyldary qytaılyq ınjenerler avtomobıl, temirjol, jaıaý adamdarǵa arnalǵan birneshe kópirdi iske qosty.
Mysalǵa alǵanda, tamyzda Chjanszıasze saıabaǵynda týrıster úshin álemdegi eń iri shyny kópir turǵyzyldy. Degenmen, tehnıkalyq túıtkilderge baılanysty ony paıdalanýǵa bergennen keıin nebári eki aptadan soń qaıta jabýǵa týra keldi.