Qaırat Qarmanov QR Investısııalar jáne damý mınıstrliginiń Investısııalar komıteti tóraǵasynyń orynbasary qyzmetine taǵaıyndaldy. Bul týraly QR IDM-niń Indýstrııa jáne týrızm departamentiniń dırektory Marat Iǵalı málim etti.
«Qaırat Qarmanovty QR Investısııalar jáne damý mınıstrliginiń Investısııalar komıteti tóraǵasynyń orynbasary qyzmetine taǵaıyndalýymen quttyqtaımyn»,-dep jazdy ol áleýmettik jelidegi paraqshasynda.
Qaırat Jarylqasynuly Qarmanov 1984 jyly 13 sáýirde dúnıege kelgen. «Bolashaq» baǵdarlamasy boıynsha AQSh-tyń Florıdalyq Atlantıka ýnıversıtetin jáne Mıchıgan memlekettik ýnıversıtetin «Qalalyq jáne óńirlik damý» mamandyqtary boıynsha bitirgen.
L.N.Gýmılev atyndaǵy Eýrazııa ulttyq ýnıversıtetiniń «halyqaralyq quqyq» mamandyǵy boıynsha túlegi. Eńbek jolyn «Astana qalalyq ekonomıka jáne bıýdjettik josparlaý basqarmasy» MM-ge qarasty «Elordanyń turaqty damý ortalyǵy» JShS-ynda keńesshi retinde bastady.
2009 jyldan bastap, QR AShM «Kazagroınnovasııa» AQ «Agroónerkásip kesheniniń ekonomıkalyq saıasat ortalyǵy» JShS TUK jáne sheteldik ınvestorlarmen jumys jasaý departamentiniń keńesshisi qyzmetin atqardy.
2010 jyldyń sáýir aıynan bastap ınvestısııalyq yntymaqtastyq departamentiniń dırektory, «Kaznex Invest» eksport jáne ınvestısııalar boıynsha ulttyq agenttigi» AQ basqarýshy dırektory retinde eńbek etti.
2011 jyldyń jeltoqsan aıynan bastap Kaznex Invest» eksport jáne ınvestısııalar boıynsha ulttyq agenttigi» AQ basqarma tóraǵasynyń orynbasary bolyp jumys jasady. Sońǵy qyzmeti - 2016 jyldyń mamyr aıynan bastap Kaznex Invest» eksport jáne ınvestısııalar boıynsha ulttyq agenttigi» AQ basqarma tóraǵasynyń keńesshisi laýazymyn atqardy.