Búgin Syrtqy ister mınıstrliginiń quramymen kezdesý ótkizgen Prezıdent Nursultan Nazarbaev sońǵy kadrlyq ózgeristerge baılanysty málimdeme jasady. Bul týraly Aqordanyń Feısbýktegi paraqshasy habarlady.
«Ulttyq ekonomıka mınıstri aýysty. Bıshimbaev buryn qyzmet atqarǵan «Báıterek» holdınginde tekserýler júrip jatyr, tergeýler júrip jatyr. Onyń qalaı aıaqtalatyny týraly qazir anyq eshteńe aıta almaımyz.
Sol sebepti jańa Ulttyq ekonomıka mınıstri taǵaıyndaldy. Tımýr Súleımenov bul salany jaqsy biletin adam dep sanaımyz» dedi Memleket basshysy.