Pavlodar oblysy Qashyr aýdanynyń oqý ozattary men respýblıkalyq jáne halyqaralyq olımpıada jeńimpazdary EHRO-2017 kórmesin tamashalaıdy. Bul týraly aýdan ákimi Janat Shuǵaev daryndy balalarmen kezdesý barysynda málimdedi, dep habarlady 24.kz.
Kórme bıletinen úmittilerdiń biri Tereńkól aýyldyq mektebiniń 4 synyp oqýshysy Vlad Devıatkın «Eski zattarǵa jańa ómir» atty ǵylymı eńbegimen oblystyq baıqaýda top jardy.
Sonymen qatar, Tereńkól aýylyndaǵy №3 mekteptiń 3 synyp oqýshysy Dilnaz Qazbaı álemniń 55 memleketinen 7 myń oqýshy qatysqan mentaldy arıfmetıka baıqaýynda júldeli 3-orynǵa ıe boldy. Ol kóptańbaly sandardy kóbeıtip-bólgende esepteý qurylǵysynyń kómegine júginbeıdi. Daryndy bala qazir Balıde ótetin jarysqa daıyndalyp jatyr.
«Iýsımas bizge matematıkany úzdik oqýǵa kómektesedi. Esepti jyldam sheshe otyryp joǵary nátıje kórsetemiz», – dedi Dilnaz Qazbaı.