EKSPO uıymdastyrýshysynyń keńsesinde «Astana EKSPO-2017 UK» AQ basqarma tóraǵasy Ahmetjan Esimov Malaızııanyń Ulttyq seksııa komıssary Doktor Zaını Bın Ýdjangpen kezdesti.
«Astana EKSPO-2017» UK» AQ habarlaǵandaı, kezdesý barysynda taraptar EKSPO-2017 kórmesine daıyndyq boıynsha tehnıkalyq máselelerdi talqylady. Ulttyq kompanııa basshysy qazirgi tańda halyqaralyq jáne taqyryptyq pavılondardyń qurylysy aıaqtalǵanyn aıtty, sondaı-aq, qazaqstandyq pavılon da salyndy. Endi pavılondardy ekspozısııalarmen tolyqtyrý qajet.
О́z tarapynan Doktor Zaını Bın Ýdjang usynylǵan pavılon men iri halyqaralyq sharaǵa qatysýǵa múmkindik berilgeni úshin alǵys bildirdi.
«Bizdiń kórmege qatysýymyz tek ulttyq pavılonnyń jumysymen aıaqtalǵanyn qalamaımyz. EKSPO-2017 aıasynda úsh myń mádenı jáne taqyryptyq shara ótedi. Bizdiń seksııanyń mindeti – konferensııa, dóńgelek ústel men forýmdar jumysyna óz úlesimizdi engizý», - dedi malaızııalyq pavılonnyń Komıssary.
Sondaı-aq, Bın Ýdjang EKSPO-2017-ni ótkizý kezinde Astanaǵa Malaızııanyń Premer-Mınıstri Nadjıb Týn Razak keledi.
Kezdesý qorytyndysynda Ahmetjan Esimov malaızııalyq tarapqa EKSPO-2017 kórmesine qatysýda járdem kórsetiletinin aıtty.
Malaızııa pavılonyn tapsyrý boıynsha kelisim ornatyldy.