Qazaqstan ulttyq quramasynyń burynǵy oıynshysy Jambyl Kókeev maýsymaralyq úziliste «Qaısardyń» sapyn tolyqtyrdy, dep habarlaıdy vesti.kz.
Kásipqoı sporttaǵy mansabyn 2005 jyly Almatynyń «Jeleznodorojnık» komandasynda bastaǵan daryndy fýtbolshy araǵa bir jyl salyp, ulttyq quramanyń sapyna shaqyrtý alǵan bolatyn.
«Astana», «Alma-Ata», «Lokomotıv», «Shahter» jáne «Qaırat» sekildi komandalarda dop tepken. Almatylyq ujymnyń sapynda júrip aýyr jaraqat alyp qalǵan. Sodan beri, óziniń deńgeıine kóterile alǵan joq. Aldaǵy maýsymdy Qyzylordanyń «Qaısar» klýbynyń sapynda bastaıdy.
2006-2015 jyldary aralyǵynda Qazaqstan quramasynyń jeıdesimen 27 ret alańǵa shyǵyp, 2 márte qarsylas qaqpasyn dál kózdegen.