Oblys ákimdigi ǵımaratynyń májilis zalynda jolaýshylar kóligi jáne avtomobıl joldary basqarmasynyń jyl qorytyndysyna jáne aldaǵy jańa mindetterge arnalǵan jınalysy ótip jatty. Ony óńir basshysy Berdibek Saparbaev ózi ashyp, júrgizip otyrdy. Bir kezde ol talqylanyp otyrǵan máselege tikeleı qatysy bar bir jaıttyń mán-jaıyn anyqtap alý úshin zalda otyrǵan Aqtóbe qalasyndaǵy avtovokzaldyń bastyǵyna qazaq tilinde saýal tastady.
Al ol kisiniń ózge ult ókili ekeni túrinen anyq kórinip turǵan edi. Soǵan qaramastan oblys ákimi oǵan suraqty qazaqsha qoıdy. Sol sátte jaýap qaıtarýshy ne aıtaryn bilmeı, abyrjyp turdy da qaldy. «Qazaqsha túsinbeıtin be edińiz, ultyńyz kim» dep naqtylady osy arada Berdibek Máshbekuly. Buǵan ol «orys» dep jaýap qaıtardy.
Tek sodan soń oblys basshysy suraǵyn orys tilinde qaıta qoıdy. Biz muny nege aıtyp, táptishtep otyrmyz. Birinshiden, bul arada Berdibek Saparbaev qazaq tili memlekettik til ekenin megzegendeı, ony túsiný men ıgerý barsha qazaqstandyqtardyń paryzy ekenin uǵyndyrǵysy kelgendeı kórindi. Ekinshiden, ultjandylyqtyń basty bir kórinisi – týǵan tilin qadirleý. Osy turǵyda biz Aqtóbe oblysynyń ákimi Berdibek Máshbekulynyń ultjandylyq qasıetti ardaqtaıtynyn gazet oqyrmandarymen bóliskendi jón kórdik.
Temir QUSAIYN,
«Egemen Qazaqstan»