Anna ShEVChENKO: Qos júldemdi Qazaqstanyma arnaımyn

Qazaqstanǵa Almaty Ýnıversıadasynyń alǵashqy júldesin shańǵyshy Anna Shevchenko syılady. Jarystyń birinshi kúninde klassıkalyq jekeleı synda qola júlde oljalaǵan sportshy, keshe iz kesý saıysynda da osy nátıjesin qaıtalady. XXVIII Dúnıejúzilik qysqy Ýnıversıadanyń eki dúrkin qola júldegeri atanǵan Annany az-kem áńgimege tartqan edik. – Júlde qutty bolsyn, Anna! Eki ret úshinshi oryn­men shekteldiń. Al­tyn alýǵa ne kedergi boldy? – Rahmet! Alǵashqy kún­­gi jarysta top jarýǵa ty­rys­tym. О́kinishke qaraı, tuǵyr­dyń bıigin baǵyndyrý qolym­nan kelmedi. Dál osy synda jaqsy óner kór­setip, jeńiske jetýdi qat­ty qaladym. Sebebi, kele­si kúngi jarys iz kesý saıy­sy edi. Munda birinshi kún­gi do­danyń nátıjesi ma­ńyz­dy rólge ıe. Iz kesýde qos reseılikti qýyp jetý úshin barymdy saldym. Olar alǵashqy jarystyń basymdyǵynyń arqasynda maǵan múmkindik bermedi. Reseılik shańǵyshylar­dyń da qara jaıaý emes­ti­gin esker­gen jón. Mun­daı halyq­­aralyq jarysqa myq­ty­lar ǵana keledi ǵoı. – Bálkim, jarys bary­synda qatelikterge boı aldyrǵan shyǵarsyń... – Iá, qatelikter boldy. 30 qańtar kúngi jarys­tyń ekinshi bóliginde bıik­ke kóterilý qıynǵa soqty. Jyldam bastaǵanym­men, bıikke shyǵar tusta enti­gip qaldym. Al odan keıin­gi dodada kún raıy­nyń qo­laı­syzdyǵy keri áser et­ti. Sondaı-aq, bıikten qul­­dı­laǵan sátte qatelik jiberip aldym. – Jarystyń ekinshi kúninde bapkerler saǵan qandaı mindet júktedi? – Alǵashqy saıysta re­seı­likterge ese jiberip al­ǵan­­­dyqtan, maǵan júktel­gen mindet olarǵa meılinshe jaqyndap, reti kelse, basyp ozý edi. О́kinishke qaraı, bul qolymnan kelmedi. – Osymen, ekinshi Ýnı­­­ver­sıadaǵa qatysyp otyr­syń. Sporttyq she­ber­lik turǵysynan ilgeri­leý bar ma? – Árıne. Birinshi  ret 2013 jyly Italııa­­nyń Tren­tıno qalasynda uıym­­­das­tyrylǵan qysqy Ýnı­­ver­­sıada da óner kór­­­set­tim. Nátıjem – 19-oryn. Almatyda eki qo­la­ǵa qol jetkizdim. Osy ara­­lyqta jahandyq ja­rys­tar­ǵa qatysyp, mol táji­rıbe jınadym. Meni alǵa jetelegen bapkerime alǵysym sheksiz. Sondaı-aq, Pavlodar oblysy­nyń ákimi Bolat Baqaýovqa rıza­­­shylyǵymdy bildirgim keledi. Ol Almaty Ýnıver­sıa­da­synyń alǵash­qy júl­desin utyp alǵanym­da, qońy­raý shalyp, quttyq­tady. Maǵan senim artqan jankúıerlerge de rızamyn. Qos júldemdi týǵan elim – Qazaqstanyma arnaımyn. – Rahmet. Áńgimelesken  Farhat ÁMIRENOV Sýretti túsirgen Vladımır Býgaev