Týra osydan jıyrma jyl buryn «Qazaqstan temir joly» ulttyq kompanııasy quryldy.
1997 jyly 31 qańtarda Qazaqstan Respýblıkasy Úkimetiniń «Qazaqstan Respýblıkasy temir joldary kásiporyndaryn qaıta qurý týraly» qaýlysymen Almaty, Tyń, Batys Qazaqstan temir jol basqarmalarynyń birigýimen «Qazaqstan temir joly» respýblıkalyq memlekettik kásiporny quryldy, dep habarlaıdy «Qazaqstan temir joly» UK» AQ baspasóz qyzmeti.
Keıinirek RMK basqasha JAQ bolyp atalsa, sońynan «Qazaqstan temir joly» UK» AQ bolyp qaıta tirkeldi.
Qazirgi tańda «Qazaqstan temir joly» ulttyq kompanııasy kóliktik-logıstıkalyq operator retinde temirjol, teńiz porty men áýejaı ınfraqurylymy, kóliktik-logıstıkalyq ortalyqtardy basqaryp, mýltımodaldyq tolyqqandy kóliktik-logıstıkalyq qyzmetti atqarady.
«QTJ» UK» AQ strategııalyq damý baǵdarlamasy Memleket basshysynyń tikeleı tapsyrmasymen Qazaqstandy halyqaralyq tranzıttik hab retinde qalyptastyrýdaǵy eldiń kóliktik- logıstıkalyq keshenin jasaqtaýdan týyndap otyr.
Kompanııa «Nurly jol» memlekettik ınfraqurylymdyq baǵdarlamasy men «100 naqty qadam» Ult josparyn tabysty júzege asyrýda. Bul oraıda Memleket basshysynyń tapsyrmasymen júzege asyrylyp jatqan Jańa Jibek joly jobasynyń mańyzy zor.
Táýelsizdik jyldary temir jol jelisi 2,5 myń shaqyrymdy qurap, óziniń burynǵy uzyndyǵynyń besten biri qaıta jańǵyrtty. Joldyń jalpy uzyndyǵy 16 myń shaqyrymdy qurady.
Osy jyldary Aqsý-Degeleń, Hromtaý- Altynsarın, Shar-О́skemen, Jetigen-Qorǵas, О́zen-Túrkmenstanmen memlekettik shekara, Jezqazǵan-Beıneý, Arqalyq-Shubarkól, Borjaqty-Ersaı temir joldary salyndy.
2008 jyly «QTJ» UK» AQ óndiristik aktıvin jańǵyrtýdyń aýqymdy baǵdarlamasyn bastap ketti. Osy jyldary 1000-nan astam lokomotıv, 37,5 myń júk vagondary, 1500-ge jaqyn jolaýshylar vagondary jańǵyrtylyp, 4700 shaqyrym jol kúrdeli jóndeýden ótkizildi. Sonyń nátıjesinde lokomotıvterdiń tozyǵy jetýi 78% den 51%-ǵa, jolaýshylar jáne júk vagondarynyń tozyǵy jetýi 85% dan 46% jáne 71% den 44% ge deıin tómendedi. Temirjol ınfraqurylymynyń tozyǵy jetýi 69%-dan 52%-ǵa deıin azaıdy.
Memleket basshysynyń bıylǵy «Qazaqstannyń Úshinshi jańǵyrýy: jahandyq básekege qabilettilik» atty Qazaqstan halqyna Joldaýy kólik jáne logıstıka salasyna jańa mindetter júkteıdi.
Eýrazııalyq qurlyqtaǵy júk aǵynyn ıgerý úshin kóliktik-logıstıkalyq syrtqy jáne ishki jelileri jasaqtaýdyń mańyzy zor. Ol úshin kórshiles eldermen tranzıttik júkterdiń erkin ótýin qamtamasyz etý, kóliktik dálizderdi jańǵyrtý jáne úılesimdi jumys jasaý arqyly elimizdiń kólik jáne tranzıttik áleýetin tolyǵymen paıdalaný qarastyrylady.
Dostyq shekaralyq stansııasyn jańǵyrtyp, jańadan Altynkól ótkelin ashý Qytaıdan Eýropaǵa shyǵatyn tranzıttik júk kólemin jylyna 20 mıllıon tonnaǵa jetkizýge múmkindik áperdi.
«Qorǵas-Shyǵys qaqpasy» arnaıy ekonomıkalyq aımaǵy men halyqaralyq deńgeıdegi dıstrıbýsııalyq ortalyq Qazaqstan men Qytaıǵa jáne Eýropalyq óńirdegi elderge álem naryǵyna shyǵýyna jol ashty.
2015 jyly Qurǵaq port paıdalanýǵa berildi. Munda suranys ıelerine «bir tereze» qaǵıdaty boıynsha kóliktik-logıstıkalyq qyzmet keshendi túrde kórsetiledi.
2016 jyly Azııa- Eýropa baǵdaryndaǵy konteınerlik júk tasymaldaý kólemi 2011 jylmen salystyrǵanda 100 esege artty. Transkaspıı kólik baǵdarymen 2017 jyly tranzıttik tasymal kólemin ósirý úshin keshendi tarıf mólsheri bekitildi.
«Qazaqstan temir joly» UK» AQ quramyna Aqtaý teńiz porty qazirgi zamanǵy úlgidegi kópsalaly termınaly berildi. Ol jańadan ashylǵan Quryq portymen tolyqty.
Qazaqstan aýmaǵy men shetelderde termınaldyq ınfraqurylymdyq jobalardy júzege asyrý maqsatynda el aýmaǵynda da, kórshiles respýblıkalarda kóliktik-logıstıkalyq ortalyqtar ashýda. Astanada Ortalyq Azııada, Kavkaz, Sibirde teńdessiz kóliktik-logıstıkalyq ortalyq qazirdiń ózinde 70 paıyzdyq kólemde jumyspen qamtyldy. Kelesi jyly osyndaı ortalyqtardy Shymkent, Aqtóbe, О́skemende ashý kózdelýde.
2016 jyly «QTJ» UK» AQ atqarǵan sharalaryna da qatysty Qazaqstannyń halyqaralyq logıstıkalyq LPI reıtıngi 160 memlekettiń ishinde 88 -orynnan 77-ge kóterildi. Bul TMD aýmaǵyndaǵy elderdiń kórsetkishinen joǵary tur.
Sońǵy jıyrma jylda «Qazaqstan temir joly» UK» AQ halyqaralyq tranzıttik tasymaldaýdy joǵary senimdilikpen ári jyldam atqara alatyn Kompanııaǵa aınaldy.
Búgingi tańda Qazaqstannyń kólik-logıstıkalyq kesheni Azııa Eýropanyń transqurlyqtyq baǵdarynyń mańyzdy bóligi bolyp tabylady.