Qyzylorda oblysynyń Qarmaqshy aýdanyna qus fabrıkasynyń qurylysy bastaldy. Bul týraly Qyzylorda oblysynyń ákimi Qyrymbek Kósherbaev Elbasynyń «Qazaqstannyń úshinshi jańǵyrýy: jahandyq básekege qabilettilik» atty Joldaýyn júzege asyrýǵa arnalǵan ıdeologııalyq aktıv jıynynda málimdedi.
-Aýyl sharýashylyǵy ónimderin óńdeý máselesiniń aqsap turǵan jaıy bar. Sondyqtan osy baǵytqa erekshe nazar aýdarýymyz qajet. Bul úshin azyq-túlik óndirisine ınvestısııalar tartýda jáne ónimderin tereń óńdeý boıynsha zaýyttardy qurýda barlyq kúshimizdi salýǵa tıispiz,-dedi aımaq basshysy.
Q.Kósherbaev oblystyq aýyl sharýashylyǵy basqarmasy men «Baıqońyr» áleýmettik kásipkerlik korporasııasyna aǵymdaǵy jyly Qarmaqshy aýdanynda qus fabrıkasynyń qurylysyn bastaýdy tapsyrdy.