О́tken jyldyń birinshi jartysynda oblystyq prokýratýraǵa tergeýshilerdiń azaptaǵany týraly 28 aryz tússe, ekinshi jartysynda 4 aryz túsken, ol da tergeý nátıjeleri oynsha rastalmaǵan. Bul týraly oblystyq prokýratýranyń jyl qorytyndysy boıynsha ótken alqa májilisinde aıtyldy.
Mundaı nátıjege oblystyq prokýratýra «Azaptaýǵa jol bermeımiz» jobasyn júzege asyrý arqyly qol jetkizdi. 2012-2014 jyldary BUU komıtetiniń sheshimderi boıynsha oblystyń eki turǵyny 2007-2008 jyldary jasalǵan azaptaý qurbandary bolyp tanylǵan edi. Sondaı-aq azaptaýǵa baılanysty aryzdar sany 2015 jyly 63-ke deıin jetken bolatyn.
Oblystyq prokýratýra «Azaptaýǵa jol bermeımiz» atty jobasyn ótken jyldyń ekinshi jartysynda júzege asyra bastady. Joba aıasynda tergeý oryndarynda 337 beıne kamera ornatyldy, Ishki ister basqarmasynda 83 beınequrylǵy prokýrorlarmen onlaın qaraý qyzmetine qosyldy. Jetkizilgen adamdarmen saýalnama toltyrý tájirıbege engizildi, ýchaskelik ınspektorlar beketterinde prokýratýra jáshikteri qoıyldy. Túzeý mekemelerinde etaptardy qabyldaǵanda prokýrordyń mindetti túrde qatysýy, beıne jazba júrgizý qamtamasyz etildi jáne árbir sottalǵan adam kem degende toqsanyna bir ret jeke qabyldaýda bolady.Osyndaı sharalar arqyly prokýrorlyq baqylaýdy nyǵaıtý múmkin boldy.
Názıra Járimbetova, «Egemen Qazaqstan»