Qazaqstanda raqymshylyqqa baılanysty 9,5 myń materıal sot qaralymyna jiberilgen, dep habarlaıdy QR IIM QAJ Komıtetiniń baspasóz qyzmeti.
2017 jyldyń 1 aqpanyndaǵy derekterge súıensek, 115 adam bostandyqqa shyqty. О́ńirler arasynda bostandyq alǵandar sany jaǵynan Qyzylorda, Aqtóbe jáne Shyǵys Qazaqstan oblystary aldyńǵy qatarda tur. Shartty túrde jazasyn ótep, probasııa júıesinde esepte turǵan taǵy 132 adam bosatyldy. Mundaǵy úzdik «úshtikke» Qaraǵandy, Shyǵys Qazaqstan jáne Ońtústik Qazaqstan oblystary endi.
«Búginge deıin sottarǵa 9,5 myń materıal qaralymǵa jiberilgen. Onyń ishinde QAJ mekemelerinen sotqa jiberilgen eki jarym myń materıal bosatýdy ǵana emes, jaza merzimin 1/2, ¼ jáne 1/5 qysqartý jáne bas bostandyǵyn shekteýdi aıyppulǵa aýystyrýdy kózdeıdi. Taǵy jeti myńnan astam materıal probasııa jelisi arqyly sotqa jiberildi. Olar qalǵan jaza bóligin qoǵamnan oqshaýlanbaı óteý jáne jazanyń ótelmegen bóligin qysqartýdy qarastyrady», - dep habarlady QAJ Komıteti.