Májilis depýtattary Jetisý memlekettik ýnıversıtetiniń stýdentteri jáne oqytýshylarymen, sondaı-aq kezdesýge arnaıy shaqyrylǵan aýǵan soǵysy ardagerlerimen kezdesti.
Kezdesýge «Nur Otan» partııasy fraksııasynyń músheleri Baqytjan Ertaev, Beıbit Mamraev, Baqytbek Smaǵul, Shakır Hahazov qatysty. Is-sharaǵa qatysýshylar ishinde partııanyń oblystyq fılıaly tóraǵasynyń birinshi orynbasary Ǵalıasqar Sarybaev, oblys ákimdigi men memlekettik atqarýshy organdardyń ókilderi de boldy.
Jıynda aýǵan soǵysynyń ardagerlerine sóz berilip, halyq qalaýlylarynyń usynys-pikirleri tyńdaldy. Sondaı-aq, Májilis depýtattary kezdesý barysynda ýnıversıtettiń materıaldyq-tehnıkalyq jabdyqtalýymen tolyq tanysyp, Elbasy saıasatynyń jergilikti jerde iske asyp jatqanynyń kýási boldy. B.Mamraev respýblıka deńgeıinde iske asyrylyp jatqan bilim berý salasyndaǵy ózgerister týraly qysqasha aqparattar berip, eńbek ujymy múshelerimen ózara pikir almasty.
Májilis depýtattary Oqýshylar saraıynda, Jastar resýrstyq ortalyǵynda bolyp, ondaǵy belsendi jastarmen suhbattasty.
Májilismender barǵan kelesi nysan múmkindigi shekteýli jandarǵa arnalǵan arnaıy «Asar» sporttyq-ońaltý ortalyǵy boldy. Atalǵan ortalyqtyń negizgi maqsaty – omyrtqasyna zaqym kelgen jáne qımyl-qozǵalysy shekteýli múgedek jandardy qaıta qalpyna keltirýge kómektesý.
Depýtattarǵa sport nysanynyń «Bıznestiń jol kartasy-2020» memlekettik baǵdarlamasy aıasynda jetkilikti kólemde grant berilip, salynǵany jaıynda habardar etildi.
Májilis depýtattary kezdesýler barysynda Elbasynyń «100 naqty qadam» Ult jospary, «Nurly jol», «Nurly jer» memlekettik baǵdarlamalary týraly, sonymen qatar, partııanyń «Qazaqstan-2021: Birlik. Turaqtylyq. Jasampazdyq» saılaýaldy baǵdarlamasy men Elbasynyń 2017 jyly 31 qańtardaǵy «Qazaqstannyń Úshinshi jańǵyrýy: jahandyq básekege qabilettilik» Joldaýyn, Elbasynyń bılik ókilettilikterin bólý jaıyndaǵy Úndeýin jan-jaqty talqylady.
Sondaı-aq, respýblıka deńgeıinde iske asyrylyp jatqan ındýstrııalyq-ınnovasııalyq jobalar týraly qysqasha aqparattar berip, eńbek ujymy múshelerimen ózara pikir almasty.
Nurbol ÁLDIBAEV, «Egemen Qazaqstan»
TALDYQORǴAN