Qala kóshesinde qaýipti manevr jasaǵan júrgizýshi ustalyp, ákimshilik jazaǵa tartyldy. Polısııa ókilderi mundaı áreketterge jol berilmeıtinin eskertti, dep jazady Egemen.kz.
Almatyda jol qozǵalysy erejelerin óreskel buzǵan júrgizýshi týraly aqparatty Polisia.kz saıty taratty.
Tártip saqshylarynyń málimetinshe, er adam jol erejesin buzyp qana qoımaı, aınaladaǵy kólikter men jaıaý júrginshilerge qaýip tóndirgen. Quqyq qorǵaý organdary quqyqbuzýshylyqty der kezinde toqtatyp, júrgizýshini ustaǵan.
Sot sheshimimen ol 5 táýlikke qamaýǵa alyndy, al kóligi aıyp turaǵyna qoıyldy.
Drıft jasap, júrgizýshilerge kedergi keltirgen
Medeý aýdandyq polısııa basqarmasy basshysynyń orynbasary Aıdar Naǵashybekovtiń aıtýynsha, áleýmettik jelige kontent túsirý maqsatynda kórsetilim úshin qaýipti kólik júrgizý jaǵdaılary kóbeıip keledi.
«Mundaı áreketter úshin mindetti túrde jaýapkershilik qarastyrylǵan. Eshbir quqyqbuzýshylyq nazardan tys qalmaıdy», dedi ol.