Elbasy Úndeýi – kemel keleshegimizdiń kepili

Elbasymyz Nursultan Nazarbaev sársenbiniń sátti kúninde, ıaǵnı 25 qańtar kúni halyqqa Úndeý jarııalap, bılik tarmaqtaryndaǵy ózgeristerge toqtalyp, qoǵamdy mazalap júrgen kóptegen suraqqa jaýap berdi. «Konstıtýsııa men Zańdarǵa ózgerister engizý arqyly memlekettiń basqarý júıesin de jańǵyrtatyn kez keldi. Men eldiń múddesi men zamannyń talabyn, urpaqtyń bolashaǵyn oılaı otyryp osyndaı baılam jasadym», degen Elbasymyz bılik tarmaqtary arasynda ókilettikterdi qaıta bólý máselelerine toqtala kelip, usynylyp otyrǵan reformanyń máni bılik ókilettikterin sarabdaldyqpen qaıta bólýde, tutastaı saıası júıeni demok­ratııalandyrýda jatqanyn nyqtap aıtty. Memleket basshysy syrtqy saıasatqa, ulttyq qaýipsizdik pen eldiń qorǵanys qabiletine kúsh-jigerin jumyldyratyn bola­dy. Bul rette Úkimet pen Par­lamenttiń róli aıtar­lyqtaı kú­sheıetinin túsindik. Konstıtý­sııalyq jolmen elimizdiń saıası júıesine ózgerister engizý – zaman talabynan týyndap, eli­mizdiń damý úderisine sáıkes kelip otyr. Endi memlekettik basqarý júıesi ózgerip, Úkimet pen Parlamenttiń halyqtyń aldyndaǵy jaýapkershiligi arta túsetini kóńilimizge qonady. Bul ózgeristiń jalpy halyq úshin tıimdi bolatyndyǵyna senim­demiz. Eń bastysy, osy pro­ses­ke Prezıdent tarapynan aza­mattyq qoǵam, halyq, elimiz­d­iń ártúrli qoǵam ókilderi jan-jaqty qatysyp, halyqtyń ara­synda keńinen talqylaýǵa múm­kindik berilip otyr. Osynyń nátı­jesinde bul reforma ońtaı­ly júzege asyrylady dep oılaı­myn. Sarabdal saıasatker, kemeńger Kóshbasshymyz Nursultan Ábishuly Nazarbaev árkez ońtaıly sheshim qabyldap, áleýmettik-ekonomı­kalyq da­mýymyzdyń dańǵyl jo­lyn kórsetip keledi. Elbasy­nyń ár jyl saıynǵy halyqqa joldaýlary, jańa reforma­lary, myzǵymas Ult jospary, ún­deýleri eliniń eńsesin kóterip, yntymaǵymyzdyń myz­ǵy­mas beriktigine, jan-jaqty damýy­myzǵa muryndyq bolyp, halqyn ıgilikterge bastaýda. Bul jolǵy Úndeýi de naq osyndaı el-jurttyń qamyn kúıttegen izgi nıetten týǵandyǵy anyq. Men muny el damýyndaǵy saıası mańyzdy parasatty qadam, demokratııalyq prosestiń ilgerileýi dep baǵalaımyn. Saıası bı­liktegi eki negizgi tarmaq – Úkimet pen Parlamenttiń tepe-teń­digin qamtamasyz etedi. Sony­men qatar, bul Úkimettiń, Parla­menttiń jumysynyń kásibıligin, olardyń jaýapkershiligin, eldiń saıası-ekonomıkalyq damýyndaǵy jaýapkershiligin arttyrý arqyly tıimdi jumys isteýin qamtamasyz etedi. Elbasynyń baǵdarlamasy, álemde bolyp jatqan jaıttarǵa baı­lanysty týyndaǵan qury­lym­dyq ózgerister – halyqty beıim­deýge baǵyttalyp otyrǵanyn ańǵarý qıyn emes. Bılik tar­maqtary ókilettikteriniń aýysýy saıası turǵydan qolaıly. Jalpy, memlekettik basqarý júıesiniń jaqsarýyna oń áser ete­tini belgili. Al munyń artynda qalyń buqara, qarapaıym halyq tur. Elbasymyz Nursultan Nazarbaevtyń jarııalaǵan Úndeýi qaı jaǵynan alyp qaraǵanda da úl­ken mańyzǵa ıe. Egemen elimiz­degi jańa ózgerister, júze­ge asyrylǵaly otyrǵan Konstı­týsııalyq reforma bizdiń mem­leket pen qoǵamnyń damýyn jańa kezeńge shyǵarady degen oıdamyn. Úndeýde N.Nazarbaev Prezıdenttiń áleýmet­tik-ekonomıkalyq prosesterdi ret­teýdegi birshama ókilettikterin, 40-qa tarta prezıdenttik quzy­rettiń Parlamentke, Úkimetke jáne basqa da atqarýshy organdarǵa beretinin aıtty. Bul salaǵa Úkimet, mınıstrlikter jáne ákimdikter tolyqtaı jaýap beretin bolady. Osyǵan baılanysty tıisti Zańdardy ózgertý oryn alatynyn uǵyndyq. «Men muny jalǵyz ǵana maqsatpen – eldi basqarýdyń neǵurlym tıim­di, ornyqty, zamanaýı júıe­sin qurý úshin jasap otyrmyn», – dedi Elbasymyz. Saıyp kelgen­de, osynaý reformalar baǵdar­lamasy – Qazaqstan qaı baǵytta júredi degen saýaldyń aıqyn jaýaby, eldiń jarqyn bolasha­ǵynyń kepili. Egemen elimizdegi jańa ózgerister memleketimiz ben halqymyzdy jaqsylyqtarǵa, jańa ıgilikterge bastaıdy dep úmittenemiz. Qalaýbek ANAShEV, aýdandyq qoǵamdyq keńestiń tóraǵasy Ońtústik Qazaqstan oblysy, Túlkibas aýdany