Eńbek ónimdiligi el ishinde talqylandy

Parlament Senatynyń depýtattary Asqar Beısenbaev, Qýanysh Aıtahanov jáne Álı Bektaev Elbasy N.Nazarbaevtyń Joldaýy men konstıtýsııalyq reformalar jónindegi Úndeýin Senatorlar Ońtústik Qa­zaqstan oblysynyń ákimi Jan­seıit Túıme­baevpen kezdesip, Jol­daýdan týyndaıtyn min­det­ter aıasynda aımaqty ór­kendetý jáne ońtústik ólkeniń áleý­met­tik-ekonomıkalyq damytý máse­lelerin talqylady. Senat depýtaty Qýanysh Aı­ta­hanov Maqtaaral aýdanynda bol­ǵan kezde Jetisaı qalasynda aý­dan aktıvimen, máslıhat depý­tat­tarymen jáne aýdan eńbekkerlerimen júzdesti. Senat depýtaty bıylǵy Joldaýdyń basym baǵyttary, onyń ishinde aýyl sharýashylyǵyn damytýǵa arnalǵan negizgi mindetterge toqtaldy. «Sýarmaly eginshilik eń damyǵan Maqtaaral aýdany memleketimizdiń strategııalyq mańyzy bar aımaq. Keıingi jyldary sý tapshylyǵy paıda bolǵany týraly Aýyl sharýashylyǵy mınıstri A.Myrzahmetovke depýtattyq hat joldap, ótkir máseleniń bıyl sheshiletini týraly jaýap aldym», – dedi senator. Q.Aıtahanovtyń Shardara aýdanynda jergilikti turǵyndarmen kezdesken kezde Elbasynyń Joldaýynda aıtylǵan bes basym baǵyttyń árqaısysyna jeke-jeke toqtalyp, jan-jaqty túsindirdi. Ol Joldaýda aıtylǵan eńbek ónimdiligin arttyrý, kásipkerlikti damytý, áleýmettik salany qoldaý máseleleri boıynsha naqty mysaldarmen jan-jaqty taldaı otyryp aıtyp berdi. Ǵalymjan ELShIBAI, «Egemen Qazaqstan» Ońtústik Qazaqstan oblysy