Italııanyń Lıvıno taý shańǵy kýrortynda XXV qysqy Olımpıada oıyndarynyń frıstaıl-akrobatıkadan áıelder arasyndaǵy irikteý kezeńi máresine jetti. Osy synda el atynan jarys jolyna shyqqan Aıana Joldas irikteý kezeńinde súrindi, dep jazady Egemen.kz.
Qysqy Azııa oıyndarynyń birneshe dúrkin júldegeri Aıana Joldas 2 irikteý kezeńindegi joǵary upaıy – 61.11 ball boldy. Bul nátıje fınalda baq synaýǵa múmkindik beretin úzdik on ekiliktiń qataryna enýge jetkiliksiz boldy.
Osylaısha, 24 jastaǵy Ulttyq qurama sportshysy ekinshi Olımpıadasyn 21-orynmen aıaqtady. Ol 2018 jyly Phıonchhan oıyndarynda 24-satydan kóringen bolatyn.
Qysqy Olımpıada: Búgin otandastarymyz qaı sport túrleri boıynsha baq synaıdy?
Aıta keteıik, fınalǵa alǵashqy irikteýde úzdik shyqqan – 6 frıstaılshy, ekinshi kezeńde kóp upaı jınaǵan taǵy 6 frıstaıl sheberi joldama aldy. Fınaldyq báseke búgin Astana ýaqytymen saǵat 17:00-de bastalady. Bul irikteýden ótken 12 sportshynyń altaýy úlken fınalǵa shyǵady. Erler arasyndaǵy kvalıfıkasııa erteńge josparlanǵan.
Búgin shańǵy jarysynyń sprınt túrinde baq synaǵan áıelder quramasy da fınaldyq oıyndardan tys qaldy.
Keshegi jarys kúninde Sofıa Samodelkına qysqa baǵdarlamada óner kórsetip, 68,47 upaımen jeke rekordyn jańartty.
Al qysqy Olımpıadada Qazaqstan qorjynynda 1 altyn medal bar. Tarıhı jeńisti mánerlep syrǵanaýshy Mıhaıl Shaıdorov syılady.