Norvegııa qaıyqtar men kemelerge arnalǵan álemdegi eń alǵashqy týnneldi salmaq, dep jazady busines sinsider. Bir aıta keterligi, 1990 jyly salynǵan álemdegi eń uzyn Lerdal avtokólik týnneli de Norvegııada ornalasqan. Endi bul elde kúnine 70-120 keme ótetin týnnel salynbaq.
BBC News-tiń habarlaýynsha, memleket qaıyqtar men kemelerge arnalǵan týnneldi qalaı salýǵa bolatynyn anyqtaý úshin tehnıkalyq-ekonomıkalyq zertteýlerdi 80-jyldary bastaǵan. Al atalǵan týnnel jobasynyń menedjeri Tere Andreassen Norvegııanyń kólik mınıstrligine joba 2017 jyldyń mamyr aıynda usynylatynyn aıtty. Onyń aıtýynsha, jobany tolyǵymen Norvegııa parlamenti qarjylandyrady. Onyń jalpy quny 1 mlrd dollarǵa baǵalansa, onyń 117 mln AQSh dollary zertteý jumystaryna ketken.
Eger jospar maquldansa, qurylys 2019 jyly bastalady.
Tómende jobanyń sýretteri