2017 jyly «Úlbi metallýrgııalyq zaýyty» AQ biregeı jobalardy - magnıttik rezonanstyq tomografqa arnalǵan ótkizgishtigi tym joǵary symdardy, tantal jabylǵan medısınalyq qondyrǵylar men 3D prınterlerge arnalǵan negizgi quraýyshtardy óndirýdi júzege asyrady, dep habarlaıdy «QazAqparat».
«Úlbi metallýrgııa zaýyty» AQ basqarma tóraǵasy Iýrıı Shahvorostovtyń aıtýynsha, tantal - adam aǵzasymen úılesim tabatyn erekshe metall, sondaı-aq, tantal myqty qorytpalarda qoldanylady. Tantal jabyny basqa metaldardyń sıpattamasyn ózgertip, olardyń beriktigin arttyrady - bul zaýyttyq noý-haý.
«Tıtan untaǵynan ımplant (býyn) jasalynyp, vakýým kamerasynda tantaldy shańdatamyz. Býyndy 3D-prınterinde basyp shyǵaramyz. Sondaı-aq, 3D prınterde basyp shyǵarýdan bólek, osy prınterdiń negizgi quraýyshy sanalatyn tantal untaqtaryn óndirýdi de qolǵa alamyz. Bul sırek kezdesetin zat. Bıylǵy jyly osy jobany júzege asyrýdy josparlaýdamyz», - dep atap ótti Shahvorostov.