Búgin, 2016 jylǵy 24 qarashada О́zbekstanda prezıdenttik saılaýǵa aldyn ala daýys berý bastaldy. Ýchaskeler jumysyn jergilikti ýaqyt boıynsha saǵat 9.30-dan bastady. Daýys berý memleket basshysyn saılaý týraly zańǵa sáıkes 2 jeltoqsanda aıaqtalady, dep habarlaıdy RIA Novostı.
О́zbekstannyń tuńǵysh prezıdenti ekinshi qyrkúıekte 78 jasqa qaraǵan shaǵynda ınsýltten kóz jumǵan edi. Onyń mindetin ýaqytsha atqarýshy bolyp premer-mınıstr Shavqat Mırzıeev taǵaıyndalǵan. Saılaý 4 jeltoqsanda ótedi. Memleket basshysy besjyldyq merzimge taǵaıyndalady.
Zańǵa sáıkes ártúrli sebeptermen daýys berý kúni saılaýǵa qatysa almaıtyn О́zbekstan azamattaryna aldyn ala daýys berý múmkindigi bar. Aldyn ala daýys berý saılaýǵa deıin on kún buryn bastalady da saılaýǵa bir kún qalǵanda aıaqtalady.
«Zań talabyna sáıkes saılaý ýchaskelerinde merziminen buryn daýys berý 24 qarashada bastalyp, 2 jeltoqsanda aıaqtalady. Saılaýshylar bul kúni saǵat 9. 00-den 18.00-ge deıin ýchaskelik saılaý komıssııasyna júgine alady», - dep habarlady OSK ókili.
О́zbekstannyń OSK derekterine sáıkes saılaý ótkizý úshin 9381 saılaý ýchaskesi quryldy, onyń 44-i elden tys jerde. 21, 435 saılaýshy daýys berýi tıis. Elde tirkelgen 4 partııa memleket basshysynyń ornyna úmitkerlerin usyndy.