BIR-AQ KÚNDE MILLIONER BOLYP OIаNǴANDAR

Lotereıa oıynynan iri utysqa ıe bolýdy kóksemeıtin jan kemde-kem bolar. Ásirese, árkimniń mań­daıyna buıyra bermeıtin “Djek potty” utyp alý jolynda jigeri jasymaıtyndar. Al, Astana qalasy­nyń E. esimdi turǵyny áı­teýir bir jolynyń bolatynyna sengen. Onymen birge 69 410 662 teńgeni teń­deı bólisken shymkent­tik A. da kútpegen jerden baqytty bıletke ıe bolǵan.

Sonymen 15 qańtarda Almaty­daǵy Qazaqstan baspasóz klýbynda “Sýper Loto” oıynynda 69 410 662 teńgeni (1-shi sanat boıynsha) utyp alǵan eki jeńimpazdy marapattaý oqıǵasy bolyp ótti. “Kazakhstan Lottery Servise” JShS men “Samsung SDS” ókilderi sýperutys­qa ıe bolǵan Astana men Shymkent qala­sy­nyń turǵyndaryna árqaı­sy­sy 34 705 331 teńge somasyndaǵy chekti tapsyrdy. Al, jýrnalısterge bir-aq kúnde mıl­lıoner bolyp oıan­ǵan joly bolǵysh­tarmen suhbattasý sáti tústi. Bul jeńimpazdar “Sýper Loto­nyń” 9 qańtarda ótken №6 tırajy­nyń nátıjesi boıynsha anyqtal­ǵan. Iаǵnı, jeńimpazdar 38 sannyń ishinen 6 sandy (1, 5, 8, 10, 19, 29) dál bol­jap­ty. Mundaı iri utysty oıyn­shylar bir rettik tólem túrinde almaq. Osy ýaqytqa deıin qońyr kúı keship, qarabaıyr tirshilikpen kún kórip kelgen jeńimpazdardyń qýa­ny­shy men tebirenisin aıtyp jet­kizý qıyn-aq. Astanalyq 51 jastaǵy ınjener E. myrza Keńes ókimetinen beri lotereıa bıletin satyp alyp kelgen eken. Biraq, bul joly aǵasynyń lotereıa oına­ǵan­dy jaq­sy kóretin bi­letin qaryndasy oǵan dál utys bola­tyn – senbi kúni 2 bılet syı­­laǵan kóri­ne­di, sonyń biri sátti bılet bo­lyp shyqqan. Ekinshi utysqa ıe bolǵan 56 jas­taǵy shym­kent­tik A. ha­nym úıiniń ma­ńyndaǵy dú­ken­­­nen eki lo­tereıa bıletin satyp alypty. Endi ol eki bı­lettiń biri onyń da talaı tilekterin júzege asyratyn bolady. – Qudaıdyń pendelerine bereri de, alary da mol. Dál osyndaı iri utys meniń mańdaıyma jazylǵan eken. Bul – bala-shaǵamnyń nesi­besi, Allanyń bizdi jarylqaǵany dep bilemin, – dedi qýanyshtan tolqyǵan A. Áriptesterimizdiń “Al­dy­men bul qarajatty qaıda jumsaısyz?” degen saýalyna ol kisi: – Eń birinshi qoı satyp alyp, qurbandyq shalamyn. Sodan keıin enemdi alyp, Mekkege qajylyqqa bar­ǵym keledi. Qalǵanyna bala­lary­ma úı-jaı, kólik satyp áperemin, – dedi. Astanalyq E. Keńes ókimetiniń kezinen túrli lotereıalyq bıletterdi kemi 3-4-ten satyp alyp kelgenin, anda-sanda kishi utystarǵa ıe bolǵa­nyn, iri utysqa birinshi ret qol jetkizgenin aıtady. Ol kisi jýrna­lısterdiń joǵarydaǵydaı saýalyna “Men kóp balaly otbasynda óstim. Bir úıde 10 bala tár­bıe­lendik. Eń birinshi osy bıletti syı­laǵan qa­ryn­dasyma qala­ǵan úıin sa­typ áperemin. Sosyn basqa baýyrlary­ma qaraılasyp, qalǵanyn óz bala­larym­nyń ıgiligine jumsaı­myn”, dep jaýap ber­di. Astanadaǵy temirjolda jumys is­teı­tin ınje­ner E. utysynyń taǵy bir bóligin lo­tereıa bıletin alýǵa jumsaıtyn­dyǵyn aıtady. – KTK arnasynda utys júrip jat­ty. Bıletimdegi 4 san dál kel­gen­de júregim jıi-jıi soǵa basta­dy. 5- san da týra kelgende qýa­nyshtan sekirip, úıdi basyma kóter­dim. Alǵashqy úsh kúnde tipti uıyq­taı almaı, bul jańalyqty kimmen bóliserimdi bilmedim. Sodan keıin baryp eń jaqyn dostaryma aıtýǵa sheshim qabyldadym, – deıdi E. Teńge mıllıonerine aınalǵan astanalyq ınjener de 1991 jyl­dary qaıta qurý kezeńinde jumys­tan qysqartylyp, talaı qıyndyq­ty kórgen, Almaty kóshelerin sypyrýǵa da kóngen. 2000 jyly ǵana turaqty jumysqa qol jetkizip, jaǵdaıy durystalǵan. “Áıteýir bir lotereıadan utatynyńa kúmán keltirýge bolmaıdy. Osyǵan sený kerek jáne oınaý qajet” deıdi ol. A. apaı ózi belgilegen 6 sannyń da dál kelýi Allanyń syıy dep biledi. Alǵashynda ol kisi de qýa­nyshtan uıyqtaı almaı, tipti tama­ǵynan as ótpegen. Zeınetker áıel ózderi О́zbek­standa turǵanda ábden turmys tapshy­lyǵyn kórip, 1999 jyly Qazaqstanǵa kóship kelgennen keıin de úısiz, ja­ryq­­syz, jumyssyz biraz qınal­ǵanyn aıtady. Avtobýs jóndeýmen aına­lys­qan joldasynyń tapqany tamaqtaryna da jetpeı, tarshylyq­tyń taýqymetin tartqan. Tek El­basy­nyń oralman­darǵa bas­pana berip, jaǵdaı týǵyzý jónindegi Jarlyǵy shyqqannan keıin ǵana jaǵdaılary ońala basta­ǵan kórinedi. – Eń bastysy, basymyz aman, balalarymyzdyń densaýlyǵy jaqsy bolsyn! Aýrý adamǵa baı­lyqtyń ne keregi bar?! – degen A. qomaqty utysty Qudaıdyń bergeni dep qaıtalaýynan jazbady. Qysqasy, bul 2 jeńimpazdan bólek, 2009 jyly 19 jeltoqsanda ótkizilgen №3 tırajda Astana, Almaty, Taraz, jáne Shymkent qalalarynan 4 adam 2 sanat boıynsha 5 sandy dál taýyp jáne qosymsha jeńildikke berilgen sandy týra boljap, 10 405 733 teńgeden utyp alǵan. Biraq, shymkenttik utys ıesi áli habarlaspaǵan, qalǵandary óz utystaryna ıe bolypty. Baspasóz máslıhatynda “Sýper Loto” uıymdastyrýshylary 1-den 10-shy tırajǵa deıin sýpersyılyq eń kemi 50 mıllıon teńge bolýyna kepildik beretindikterin málimdedi. Bıletterdi satyp alý bazarlarda, saýda ortalyqtarynda, aıaldamalarda orna­lasqan onlaın-termınaldar arqyly júzege asyrylady. Múmkindik retinde beriletin 38 sannyń ishinen oıynsha kóńili qalaǵan 6 sandy tańdap, túbirtek toltyrady da ony onlaında tirkeıdi. Barynsha ashyq, jarııa túrde júrgiziletin bul jańa loto júıesi osyndaı júıeler jasaýdyń álemdegi úzdikteriniń biri – “Samsung SDS” kompanııasynyń qatysýymen quryl­ǵan. Utys ár senbi saıyn KTK telear­nasynda saǵat 20.20-da tikeleı efırde júredi. Bir oıynnyń quny 100 teńge. Qazirgi ýaqytta sýperutys 55 mıllıon teńgeni quraıdy. Eger ony eshkim utyp almasa, kelesi tırajǵa ótedi. Aınash ESALI, Almaty. BALABAQShALAR KО́BEIE BASTADY Elbasy N.Nazarbaevtyń byl­tyrǵy jyl sońynda telearnalar arqyly tikeleı jelidegi saýal-suhbatynda mektep jasyna deıingi balalar mekemesiniń tapshylyǵy týraly kóptegen suraqtar qoıyl­ǵany belgili. Bul másele Aqmola oblysynda da ótkir kúıinde tur. Oblystyq bilim berý departamentiniń derek­terine qaraǵanda, qazirgi kezde qol­da bar 100 mektepke deıingi mekeme men 152 shaǵyn baqshada 15200 bal­ǵyn tárbıe alýda. Soǵan qaramas­tan, kezek kútýshiler sany 12234-ke jetip otyr. Iаǵnı, suranystyń 50 paıyzǵa jýyǵy qanaǵattandyryl­maı otyr. Oblys ortalyǵy Kókshetaý qala­syn­daǵy jaǵdaı tipti kúrdeli ekendigin aıtý qajet. Kezektiń azaımaýy aryz-shaǵymdardy tas­qyn­datatyny belgili. Másele arnaıy jobamen salynǵan ásem ǵımarattardyń joqtyǵynda emes, olardyń ártúrli jaǵdaıda jekeshe­lendirilip nemese túrli mekeme­lerdiń qaraýyna berilip ketýinde bolyp tur. Qalada sekseninshi jyldary 37 balalar baqshasy jumys istese, búgingisi 9 ǵana. Osyǵan baılanysty, oblys jáne qala basshylyǵy batyl qa­dam­dardy bastady. Tabandy uıym­dyq-túsinik jumystarynyń nátı­jesinde 18 balabaqsha ǵıma­raty kommýnaldyq menshikke qaıtaryl­dy. Qazir munda qaıta jobalaý men jaraqtandyrý jáne kúrdeli jóndeý jumystary qolǵa alyndy. Aldaǵy jyly 320 oryn­dyq jańa balabaqsha salynyp, dál osynsha oryn­dyq “Aıgólek” baq­shasy qalpyna keltiriledi, jaby­lyp qalǵan “Ogonek” mektep jasy­na deıingi mekemesi balǵyn­darǵa qaıtadan esigin ashady dep jos­parlanýda. Sonymen qatar, №17 or­ta mektep janynan shaǵyn mektep-baqshanyń ashylatyny da turǵyndar qýany­shyn eseleı túspek. Baqbergen AMALBEK, Aqmola oblysy. AIаZDA BALYQ AÝLAÝ QAÝIPSIZ ERMEK EMES Bul kúnde Balqash jaqta jaısyz habarlar jıilep ketip júr. Qańtardyń qaqaǵan aıazyna qaramastan, kólge balyq aýlaýǵa shyǵýshylar keıbiriniń qazaǵa ushyraýy kezdesýde. Aınalasy jıyrma shaqty kún ishinde 5 adam opat bolyp, 4-ýi aýyr úsikke shaldyqty. О́tken jyl aıaǵynda birinen soń biri oryn alǵan qaıǵyly eki oqıǵa áýesqoı balyqshylardy úrkitkendeı bolǵanymen, tez umytylyp, aıdynǵa qarmaq salýǵa táýekel etýshiler tyıylar emes. Alǵashqysynda Saıaq kentiniń 5 turǵynyn avtokólikterimen kenetten bólshektengen muz bóligi sý aǵysy arqyly Almaty oblysynyń Qaratal aımaǵy jaǵyna aǵyzyp áketedi. Jedel izdestirý toby bárin qutqaryp qaldy. О́kinishke qaraı, ishterindegi eń jasy keıinde úsikten qaıtys bolsa, qalǵandary aıaq-qoldary men saýsaqtarynan aıyrylyp, múgedektikke ushyrady. Osyndaı jaılardy estip-bilgenderimen balyq aýlaýǵa attanǵan Saryshaǵan stansasy 7 turǵynnyń 2-ýi úılerine orala almady. Balyqshylyqtyń qyzyǵyna túsip ketip, tosyn jaǵdaıǵa tap bolýshylardyń birazy ózderi­ne ekinshi ómir syılaǵan izdestirý-qutqarý toby sarbazdarynyń erlikke teń isterine qaryzdar. Balqash qalalyq tótenshe jaǵdaılar basqarma­synyń arnaýly tobyna qazir jumys kóp. Balqash sııaqty muzy keıbir tustarynda juqa qatatyn shalqar kólde balyq aýlaý qaýipsiz ermek emestigi kópshilikke belgili. Solaı bolǵanymen, jylda osyndaı oqıǵalar qaıtalanyp jatatynyn qaıtersiz. Aıqyn NESIPBAI, Qaraǵandy oblysy.