Ońtústik Qazaqstan oblysynyń ákimi Janseıit Túımebaev Otyrar aýdanynda boldy. Bul aýdannyń qoǵam aýyl okrýgi Myńshuqyr eldi mekeninde 180 páterli kópqabatty 10 turǵyn úı paıdalanýǵy berildi, dep habarlaıdy OQO ákiminiń baspasóz qyzmeti.
«Qoljetimdi baspana-2020» baǵdarlamasy aıasynda salynǵan úılerdiń irgetasyn qalaý 2015 jyldyń qazan aıynda bastalǵan. Jalpy aýdany 18 792 sharshy metr bolatyn kópqabatty baspanalarda 90 bir bólmeli, 90 eki bólmeli jáne 90 úsh bólmeli páter bar.
Aldaǵy ýaqytta Otyrarda 450 páterli 25 turǵyn úıdiń qurylysyn júrgizý josparlanyp otyr. Jalpy, aýdanda búgingi tańda turǵyn úı kezegine 716 azamat tirkelgen.