Abaı aýdany ákiminiń sheshimimen aýmaqta tabıǵı sıpattaǵy tótenshe jaǵdaı jarııalandy, dep habarlady tótenshe jaǵdaılar departamenti
Sarjal aýyldyq okrýgine qarasty sharýa qojalyqtarynyń barlyq baǵyt boıynsha joldary aq tútek borannan kórinbeıdi.
Qolaısyz aýa raıyna baılanysty (qar, jańbyr, aıaz, burqasyn) sharýa qojalyqtaryndaǵy turǵyndardyń tirshilik áreketi qıyndady. Ondaǵy jaǵdaı ýshyǵyp, azyq-túlik, dári-dármek, maldyń jem-shóbin jetkizý qıyndaı tústi, maldy jaıylymǵa shyǵarý da múmkin bolmaı otyr.
Qarasha aıynda aýa raıy kúrt nasharlady. Qalyńdyǵy jarty metrden asa jaýǵan qar jańbyrǵa ulasty, keıinirek aıazdy aýa raıy aq tútek boranǵa aınaldy.