Qyzylorda oblysy Qazaly aýdanynda 75 jumys orny ashyldy, dep habarlady oblystyq kásipkerler palatasy.
Kásipkerler palatasynyń Qazaly aýdandyq fılıalynyń dırektory Ermek Aımahanovtyń aıtýynsha, bıyldyń ózinde jergilikti 22 kásipkerge barlyǵy 130 mln teńge nesıe berilgen. Nátıjesinde aýdanda 75 jańa jumys orny ashyldy.
Sondaı kásipkerdiń biri Albına Nurbaeva 15 adamdy jumyspen qamtyp otyr. Ol óńirlik ınvestısııalyq ortalyq arqyly 8 mln teńge nesıe alyp, bul qarjyǵa zamanaýı úlgidegi pesh, nan jaıatyn mashına, ılengen qamyrdy býmen kóteretin qural, kondıter ónimderin salyp pisiretin túrli quraldar satyp aldy. Odan bólek kásipker jańadan alǵan peshterin qoıý úshin qurylys jumystaryn júrgizip, sehty keńeıken. Qazir kondıter sehynda kondıterlik ónimderdiń 10-nan astam túri daıyndalady.
Qazaly aýdanyndaǵy kásipkerler men kásipker bolýǵa nıetti 1048 turǵynnyń basym kópshiligi – jumyssyz jastar. «Bıznes keńesshi» oqý semınary turaqty ótkizilip, 188 kásipker men kásip ashýǵa nıetti jandarǵa arnaıy sertıfıkattar tabys etilgen.