Búgin Astanada Qazaqstan fýtbol federasııasynyń XIV kezekten tys saılaý konferensııasy ótti. Kún tártibinde QFF prezıdentin saılaý máselesi kóterildi. Konferensııanyń jumysyna federasııa músheleri jáne atqarýshy komıtettiń músheleri, QFF apparaty, aımaqtyq fýtbol federasııalarynyń delegattary, BAQ ókilderi qatysty.
Shara sheńberinde delegattar Seıildá Baıshaqovtyń kandıdatýrasy úshin daýys berdi. Onyń qorytyndysy boıynsha, Seıildá Baıshaqov 2020 jyldyń 28 qarashasyna deıingi merzimge Qazaqstan fýtbol federasııasynyń prezıdenti bolyp saılandy.
«Sizderdiń senimderińiz ben joǵary baǵalaryńyzdy shyn júrekten alǵysymdy bildiremin. О́z tarapymnan, elimizde fýtboldyń jan-jaqty damýyna bar kúsh-jigerimdi salamyn. Alǵa qoıylǵan mindetterdi laıyqty oryndap, bıik maqsattarǵa jetip, jańa shyńdardy baǵyndyrý úshin fýtboldy sapalyq jańa deńgeıge kóteretinimizge senimdimin», – dedi Seıildá Baıshaqov.