Bul týraly búgin QR Parlamenti Májilisinde ótip jatqan «О́simdikter men janýarlar dúnıesin qorǵaýdyń, ósimin molaıtýdyń jáne olardyń obektilerin ornyqty paıdalanýdyń ózekti máseleleri» taqyrybynda ótip jatqan «dóńgelek ústel» barysynda Aýyl sharýashylyǵy vıse-mınıstri Erlan Nysanbaev málimdedi.
«Qazaqstan ormany az memleketter qataryna jatatyndyǵy belgili. Ormandy alqaptar eldiń 4,6 paıyzyn ǵana alyp jatyr. Sondyqtan ekpelerdi kóbeıtý mınıstrliktiń negizgi mindetteriniń biri. Osy oraıda, jergilikti ákimdikter bekitken josparǵa sáıkes óńirlerde jasyl aımaqtardy qurý, eldi mekenderdi kógaldandyrý jumystary júrgizilýde. Osynaý mańyzdy jumystardy atqarý úshin ár óńir boıynsha 5 jyldyq jospar jasalyp, bekitildi. Aıta ketý kerek, bul jumys bıylǵa deıin júıeli júrgizilmegen bolatyn. Degenmen, sońǵy 10 jylda 2005 jylǵy 31 myńnan osy jyly 55 myń gektarǵa deıin ulǵaıdy», – dep atap ótti vıse-mınıstr.
Bul rette ol Elbasy tapsyrmasyna sáıkes Astana mańynda jasyl jelek qurý jumystarynyń qarqyndy júrgizilip jatqanyn basa aıtty. Búginde bul aımaqtyń kólemi 75 myń gektarǵa jetken.
«Orman salasyn qoldaý men saýyqtyrý boıynsha birqatar sheshim qabyldandy. Olardyń bastylary mynalar: jumyr aǵash materıaldarynyń eksportyna tyıym salý, sekseýil ormandaryndaǵy aǵash kesýdiń barlyq túrine moratorıı jarııalaý. Qylqan japyraqty ormandarda sanıtarlyq maqsatta jáne órtengen orman aǵashtaryn kesýge tyıym salý máselesi qarastyrylýda. Sonymen qatar tabıǵı qaldyqtardy da qoldanýǵa tyıym salyndy. Saýda oryndary men janarmaı quıý beketterinde sekseýil satýǵa tyıym salý jónindegi sharalar qoldanylýda», – dedi Nysanbaev.
Budan bólek, vıse-mınıstr Qazaqstanda orman alqaptaryn ulǵaıtýǵa múmkinshilik jasaý maqsatynda orman paıdalaný jáne ormandardy tolyqtyrý máselelerin damytý, jeke orman ósirý ınstıtýtyn, aǵashtuqymdastaryn óndiristik jáne energetıkalyq maqsatta plantasııalyq ósirýdi damytý kózdelip otyrǵanyn basa aıtty.