«Qazaqstan barysy» qazaq kúresin damytý qory Almaty qalasynyń ákimdiginiń qoldaýymen Qazaqstan Táýelsizdiginiń 25 jyldyǵy aıasynda qazaq kúresinen ótkizetin «Eýrazııa barysy» halyqaralyq týrnırine qatysatyn balýandardyń jasy mindetti túrde 18-den asqan jáne ózi kelgen eldiń azamaty bolýy shart. Sonymen qatar, olar mindetti túrde medısınalyq tekserýden, salmaq ólsheýden, dopıng-testten jáne daıyndyq jattyǵýdan ótedi.
Jyldyń eń aıtýly dodasynda Eýrazııa qurlyǵynan 8 memlekettiń sportshylary kúsh synasady. Atap aıtqanda, Qazaqstan, Grýzııa, Mońǵolııa, Polsha, Reseı, Tájikstan, Ýkraına, О́zbekstan balýandary qatysady.
Týrnırge qatysýshylar arasynda juldyz balýandar da bar. Máselen, Grýzııa quramasy atynan sambodan tórt márte chempıon V.Chıdrashvılı, Eýropanyń eki dúrkin chempıony D.Larıoshvılı, álem men Eýropa chempıonattarynyń jeńimpazdary shyǵady. Mońǵolııanyń namysyn sambo boıynsha álem chempıony A.Baıaraa, dzıýdodan Álemdik Gran-prıler jeńimpazy H.Ganbold, sondaı-aq «Eýrazııa Barysy» týrnıriniń 2014 jylǵy jeńimpazdary qorǵaıdy. Ár komanda 1 tóreshi, 1 bapker jáne 8 salmaq dárejesinde shyǵatyn (55 keli, 60 keli, 66 keli, 74 keli, 82 keli, 90 keli, 100 keli jáne 100 keliden joǵary) 8 balýannan turady.
«Eýrazııa barysynda» Qazaqstan namysyn qorǵaıtyn balýandar quramy kelesideı:
55 kg. MARAT NYǴMATULLAEV (17.12.1995 j.t.) – qazaq kúresinen eki dúrkin Qazaqstan chempıony (2014-2015 j), sambodan Qazaqstan chempıony, sambodan álem chempıonatynyń kúmis júldegeri (Afına, Grekııa 2013 j), dzıýdodan jastar arasynda Azııa Kýbogynyń qola júldegeri (Qaraǵandy), «Eýrazııa Barysy» halyqaralyq týrnıriniń jeńimpazy (2015 j). Qazaq kúresi jáne sambodan sport sheberi.
60 kg. ERJAN MAǴAÝINOV (24.11.1990 j.t.) – qazaq kúresinen QR Kýbogynda úshinshi oryn (2009 j. Taldyqorǵan), Qazaqstan chempıonatynyń qola júldegeri (2011 j. Qaraǵandy), Qazaqstan Kýbogynyń qola júldegeri (2011 j. Shymkent), dzıýdodan Chegeev atyndaǵy týrnırdiń jeńimpazy (2013 j. О́skemen), dzıýdodan Pavlodarda ótken týrnırdyń qola júldegeri (2014 j), QR Kýbogynyń jeńimpazy (Semeı 2014 j), QR Kýbogynda birinshi oryn (Atyraý q. 2015 j), Qazaqstan chempıonatynda úshinshi oryn (2013 j), ekinshi oryn (Qaraǵandy 2016 j). Dzıýdo jáne qazaq kúresinen sport sheberi.
66 kg. BAQDÁÝLET SÁBITOV (06.04.1992 j.t.) – sambodan Qazaqstan chempıony (Qaraǵandy), sambodan Azııa chempıony (Tashkent, 2010 j), dzıýdodan Qazaqstan chempıony (2011 j), dzıýdodan stýdentter arasynda Qazaqstan chempıony (2011 j. Almaty), qazaq kúresinen Azııa chempıony (Altaı, QHR 2015 j), dzıýdodan Eýropa Kýbogynda birinshi oryn (Germanııa Bremen q. 2011 j), dzıýdodan Gran-prı týrnıriniń qola júldegeri (Almaty 2013 j), Qazaq kúresinen Qazaqstan chempıonatynyń eki dúrkin kúmis júldegeri (2015-2016 jj. Aıagóz jáne Qaraǵandy). Qazaq kúresinen halyqaralyq dárejedegi sport sheberi, dzıýdodan sport sheberi.
74 kg. AIDOS ǴALYMOV – sambodan Azııa chempıony (2011 j. Tashkent), sambodan úshinshi oryn (2011 j. Bolgarııa), dzıýdodan jastar arasynda Azııa chempıonatynyń qola júldegeri (2013 j. Haınan, Qytaı), qazaq kúresinen Azııa chempıonatynyń qola júldegeri (Altaı, Qytaı 2015 j), qazaq kúresinen Qazaqstan chempıony (2015, 2016 jj), dzıýdodan jastar arasynda Qazaqstan chempıonatynyń júldegeri (2013 j), «Eýrazııa Barysy» halyqaralyq týrnıriniń jeńimpazy (2015 j. Taraz). Dzıýdo, sambo jáne qazaq kúresinen sport sheberi.
82 kg. DÁÝLET PAHRIDDINOV (20.07.1995 j.t.) – sambodan Qazaqstan chempıony, sambodan jastar arasynda álem chempıonatynyń qola júldegeri (2015 j. Rıga, Latvııa), qazaq kúresinen Qazaqstan chempıony (2015-2016 j), Búkilálemdik kóshpendiler Oıyndarynda qazaq kúresinen birinshi oryn, qazaq kúresinen álem chempıony (2016 j. Qytaı), qazaq kúresi jáne sambodan halyqaralyq dárejedegi sport sheberi.
90 kg. AIBOL AITBEK – (01.10.1992 j.t.) – sambodan álem chempıonatynyń kúmis júldegeri (2010 j. Bolgarııa), dzıýdodan Eýropa Kýbogynda úshinshi oryn (2010 j. Chehııa Praga q), dzıýdodan Qazaqstan chempıonatynyń kúmis júldegeri (2013 j. О́skemen), dzıýdodan Qazaqstan chempıony (Shymkent 2014 j), qazaq kúresinen Qazaqstan chempıonatynyń qola júldegeri (Aıagoz 2015 j)., qazaq kúresinen Qazaqstan chempıony (Qaraǵandy 2016 j.), «Qazaqstan Barysy» týrnıriniń qola júldegeri (2016 j), qazaq kúresinen álem chempıony (QHR 2016 j), dzıýdodan Qazaqstan chempıonatynyń qola júldegeri (Qyzylorda 2016 j). Qazaq kúresinen halyqaralyq dárejedegi sport sheberi, dzıýdo jáne sambodan sport sheberi.
100 kg. MUHIT TURSYNOV (22.04.1988 j.t.) – qazaq kúresinen bes dúrkin Qazaqstan chempıony (2007, 2010, 2013, 2014 jáne 2016 j), qazaq kúresinen Azııa chempıony (Qyzylorda q. 2009 j), eki dúrkin jáne álem chempıony (2013 Mınsk, 2014 Orynbor), qazaq kúresinen álem chempıonatynda úshinshi oryn (Qytaı), kúreshten jabyq ǵımarattaǵy Azııa Oıyndarynyń kúmis júldegeri (Honoı, Vetnam), «Qazaqstan Barysy» týrnıriniń jeńimpazy (2014 j), «Eýrazııa Barysy» halyqaralyq týrnıriniń jeńimpazy, dzıýdo jáne sambodan sport sheberi, qazaq kúresinen halyqaralyq dárejedegi sport sheberi.
+ 100 kg. AIBEK NUǴYMAROV (03.06.1987 j.t.) – qazaq kúresinen tórt dúrkin álem chempıony (2010 j. Astana, 2013 j. Mınsk, Belorýsııa, 2014 j. Orynbor, Reseı jáne 2016 j. Qytaı), Álem Kýbogynda birinshi oryn (2011 j. Pýna q. Úndistan). «Qazaqstan Barysy» týrnıriniń jeńimpazy (2013 j. Astana). Qazaq kúresinen halyqaralyq dárejedegi sport sheberi.
1 jeltoqsanda «Almaty Arena» sport kesheninde ótetin «Eýrazııa barysyn» «Qazaqstan» Ulttyq arnasymen qatar, Túrkııa men Reseı arnalary tikeleı efırde kórsetetin bolady. Jarys jeńimpazdary 10 mln teńgege ıe bolsa, II oryn alǵan balýan 6 mln teńge, III oryn alǵan balýan 4 mln teńgeden ıelenedi.