2016 jyldyń basynan beri Qazaqstanda 9 myńnan artyq avtokólik shyǵaryldy. Bul týraly "QazAvtoProm" AQ habarlady.
"2016 jyldyń on aıynda Qazaqstanda jalpy somasy 56,7 mıllıard teńge bolatyn 9129 kólik shyǵaryldy. Bul byltyrǵy jyldyń osy ýaqytymen salystyrǵanda 20,1 paıyzǵa tómen kórsetkish. Qazan aıynda otandyq avtozaýyttar 5,1 mıllıard teńge turatyn 797 kólik shyǵardy. Bul da byltyrǵy jylǵy kórsetkishten 17,9 paıyzǵa kem, - delingen habarlamada.
"QazAvtoProm" málimeti boıynsha, qazaqstandyq kásiporyndarda júk kóligin shyǵarý byltyrǵy jylmen salystyrǵanda 7,4 paıyzǵa artyp, 1 256-ny qurady.
JIО́ boıynsha avtokólik óndirisi 2016 jyldyń qańtar-qazan aılarynda 56,7 mıllıard teńgeni qurap, farmasevtıka (31,3 mıllıard teńge) men mata óndirisin (30,9 mıllıard teńge) artqa tastady.
"2016 jyldyń qazan aıynda avtonesıeleýdiń memlekettik baǵdarlamasy boıynsha ekinshi transh tolyǵymen ıgerildi. Baǵdarlama aıasynda 2015 jyly sáýir aıynda Ulttyq qordan 26 mıllıard teńge qazaqstandyq avtokólikterdi alýdy nesıelendirý maqsatynda bólingen bolatyn. Baǵdarlamanyń qarjylyq resýrstary 118 paıyzǵa oryndalda. Bul ýaqyt aralyǵynda Qazaqstan damý banki jalpy somasy 29,9 mıllıard teńge bolatyn otandyq óndiristen shyqan kólikterge 8081 nesıe berdi", deıdi "QazAvtoProm" ókilderi.