2016 jyldyń 22 jeltoqsanynda EchoStar 21 («EkoStar-21») ǵarysh baılanys qurylǵysyn ushyrý úshin «Brız-M» údetkishi men «Proton-M» tasyǵysh zymyrany (TZ) ushyrylady. 2016 jyldyń 27 qarashasy kúni ǵarysh aılaǵynyń 92A-50 alańyna údetkishi bar tasyǵysh zymyrany jiberilgen bolatyn. Jóndeý-synaý ǵımaratynda tasyǵysh zymyrandy qurastyrý jumystary, údetkishti tekserý men basqa da josparlyq tehnologııalyq operasııalar júrgiziledi, dep habarlaıdy Reseıdiń ǵarysh kompanııasynyń baspasóz qyzmeti.
EchoStar 21 serigin «Proton» tasyǵysh zymyrany kómegimen ushyrý týraly kelisimshartty M.V.Hrýnıchev atyndaǵy ortalyqtyń enshiles kompanııasy - International Launch Services Inc. (ILS) reseı-amerıkandyq kásiporny jasady.
EchoStar Corporation (AQSh) seriktik baılanys jetekshi jahandyq operatorynyń tapsyrysymen Space Systems/Loral kompanııasy jasaǵan EchoStar 21 atty myqty geostansıonarlyq seriktik baılanys Eýropa aýmaǵynda uıaly baılanys qyzmetin kórsetýge arnalǵan jáne ol «Proton» tasyǵysh zymyrany kómegimen ushyrylǵan EchoStar orbıtalyq tobynyń altynshy serigi bolýy tıis.
EchoStar 21 amerıkandyq jerseriktik baılanysynyń jiberilýimen 2016 jyly Baıqońyr ǵarysh aılaǵynyń ushyrý baǵdarlamasy aıaqtalady.