4 jeltoqsanda qarly burqasyn men kóktaıǵaqqa baılanysty birqatar óńirlerde joldardaǵy kólik qozǵalysy toqtatyldy, dep habarlaıdy QazAqparat.
Astana qalasy boıynsha saǵat 14:44-te aýa raıynyń buzylýyna baılanysty (kóktaıǵaq) Astana-Kókshetaý, Astana-Atbasar, Astana-Qaraǵandy baǵyttarynda qoǵamdyq jáne júk kólikteriniń qozǵalysy toqtatyldy. Aqmola oblysy 4 jeltoqsanda saǵat 15:15-ten bastap aýa raıynyń buzylýyna baılanysty (qatty jel, jaıaý burqasyn, joldyń kórinbeýi) «Astana-Petropavl» jolynyń 18-231 shaqyrymy aralyǵynda (Astana qalasynan Shýchınsk qalasyna deıin) barlyq kólik túrleriniń qozǵalysy toqtatyldy.
Shyǵys Qazaqstan oblysy 4 jeltoqsanda saǵat 14:00-den bastap aýa raıynyń buzylýyna baılanysty (jaýyn, kóktaıǵaq) «Almaty-О́skemen» jolynyń 778-1 079 shaqyrymy aralyǵynda barlyq avtokólik túrleriniń qozǵalysy toqtatyldy. 4 jeltoqsanda saǵat 14:00-den bastap aýa raıynyń buzylýyna baılanysty (jaýyn, kóktaıǵaq) respýblıkalyq mańyzy bar «О́skemen-Semeı» jolynyń 8-198 shaqyrymy aralyǵynda reıstik avtobýstar men jartylaı tirkeme jáne tirkemesi bar júk kólikteriniń barlyǵyna qozǵalys toqtatyldy. 4 jeltoqsanda saǵat 15:45-ten bastap aýa raıynyń buzylýyna baılanysty (boran, joldyń kórinbeýi) barlyq avtokólik túrlerine oblystyq mańyzy bar Novotroıskoe aýylyna kireberisi (0-22 km) joly barlyq kólik túrlerine jabyldy.