Qazaqstan Táýelsizdiginiń 25 jyldyǵyn toılaý Birikken Arab Ámirlikteriniń Dýbaı qalasynan bastaldy, dep habarlaıdy QazAqparat.
3 jeltoqsanda Dýbaı jáne Soltústik Ámirlikterdegi Qazaqstannyń Bas konsýldyǵy jerles belsendilerdiń kómegimen elimizdegi basty merekeniń qurmetine mádenı kópshilik shara uıymdastyrdy. Oǵan BAÁ memlekettik organdarynyń ókilderi, sheteldik dıplomatııalyq ókildik basshylary, jýrnalıster, stýdentter jáne Ámirlikterde ómir súretin qazaqstandyqtar qatysty. Sharaǵa 400-den astam halyq jınaldy. Sharanyń resmı bóligin BAÁ Qazaqstan elshisi Qaırat Lama Shárip pen Dýbaıdaǵy Bas konsýl Arman Isaǵalıev ashty. Olar Táýelsizdik kúniniń mańyzdylyǵyn atap ótip, Qazaqstannyń negizgi damý kezeńderi men shırek ǵasyrda qol jetkizgen tabystaryna toqtaldy jáne Qazaqstan men Ámirlikter yntymaqtastyǵynyń joǵary deńgeıin atap ótti. Odan keıin kelýshiler tanymal qazaqstandyq ujymdardyń konsertin tamashalady, atap aıtqanda «Úshqońyr» folklorlyq ansambli, «Alashuly» etno-rok toby jáne «Qaragóz» Ońtústik Qazaqstan oblysy fılarmonııasynyń ansambli óner kórsetti. Sondaı-aq, shara aıasynda qazaqstandyq qolónershiler buıymdarynyń jármeńkesi uıymdastyrylyp, otandyq sýretshilerdiń týyndylary kórmege qoıyldy. Bas konsýldyq qyzmetkerleri men demeýshiler jáne qazaq dıasporasy barlyq qonaqtarǵa arnap, ulttyq taǵamdar men táttiler qoıylǵan mol dastarhan jaıdy. Mereke sońynda túrli júldeder tigilgen lotoreıa oınatyldy. Basty syılyq áýe kompanııalarynyń biri usynǵan Qazaqstanǵa 2 tegin bılet boldy. Is-sharanyń eń qyzyqty sáti jastar men balaalardyń qatysýymen ótken «Mannequ in Challenge» zamanǵa saı fleshmoby boldy. Dýbaıdaǵy otandastarymyz ben qonaqtar osy uıymdastyrylǵan saltanatty sharadan jaǵymdy áser alyp qaıtty. Olar onda qazaqtyń ulttyq án jáne bı ónerin tamashalap, dástúrli óner men dastarhan mázirleri týraly bildi. Qazaqstandyq is-shara BAÁ basty ulttyq merekesi táýelsizdiktiń 45 jyldyǵymen sáıkes keldi.