Qyzylordada Syrdarııanyń sol jaǵalaýyn ıgerý jónindegi shtab quryldy. Bul týraly Qyzylorda oblysynyń ákimi Qyrymbek Kósherbaev málimdedi.
«О́zderińiz biletindeı, búginde oblys ákimdiginiń qyzmetindegi basym baǵyttardyń biri – Qyzylorda qalasy aýmaǵyndaǵy Syrdarııa ózeniniń sol jaǵalaýyn ıgerý. Josparǵa sáıkes, sol jaǵalaýda 90 myń turǵyny bar oblys ortalyǵynyń jańa bóligi salynady. 13 jeltoqsan kúni Qyzylorda qalasynyń bas josparymen kózdelgen úsh kópirdiń birinshisi paıdalanýǵa beriledi», - dedi oblys ákimi.
Sol jaǵalaýdy ıgerý boıynsha arnaıy shtab quryldy. Shtabtyń jumysshy organy retinde «Baıqońyr» áleýmettik-kásipkerlik korporasııasy» aksıonerlik qoǵamy bekitildi. «Baıqońyr» áleýmettik – kásipkerlik korporasııasy» aksıonerlik qoǵamynyń basqarma tóraǵasynyń sol jaǵalaýdyń qurylys jumystarymen aınalysatyn birinshi orynbasary bolyp Erjan Ábdiqalyqov taǵaıyndaldy.