Aljır EKSPO-ǵa qatysatynyn qýattady

EKSPO-2017-niń Komıssary Rápil Joshybaevtyń Aljır  Halyqtyq-Demokratııalyq Respýblıkasyna (AHDR) sapary bolyp ótti, dep habarlady Qazaqstan Respýblıkasy Syrtqy ister mınıstrliginiń baspasóz qyzmeti. Sapar sheńberinde AHDR-diń Memlekettik mınıstri – Syrtqy ister jáne halyqaralyq yntymaqtastyq mınıstri Ramtan Lamamramen, AHDR EKSPO-2017-ge Aljırdiń qa­tysýy úshin jaýapty Ulttyq sek­sııa­synyń komıssary – AHDR premer-mınıstri isterindegi senimdi ókil Mus­tafa Shakıb Halıfpen kezdesýler boldy. Aljır syrtqy saıasat vedomstvo­sy­nyń basshysymen kezdesýi kezin­de R.Joshybaev ekijaqty yntymaq­tastyq máselelerin talqylady. Halyqaralyq kún tártibindegi kókeıkesti máseleler boıynsha pikir almasyldy. R.Lamamra Astanadaǵy EKSPO-nyń jańa tehnologııalar aǵy­ny men Qazaqstannyń halyqaralyq are­nadaǵy ımıdjin joǵarylatýǵa oń áser etetinin atap ótti. Aljırlik mınıstr, sondaı-aq, EKSPO-2017 aıa­synda Islam yntymaqtastyǵy uıy­mynyń ǵylym jáne tehnologııalar jónindegi sammıtin ótkizý IYU-ǵa múshe elderdiń ornyqty damý men qýat tıimdiligi salalaryndaǵy ynty­maq­tastyǵyna serpin beretinine senim bildirdi. Aljırlik komıssarmen kezdesý kezinde R.Joshybaev kórmeni uıymdastyrý boıynsha atqarylyp jatqan jumystarǵa jan-jaqty toq­tala kelip, Aljırdiń túrli halyq­aralyq kórmege qatysýdan aıtar­lyq­taı tájirıbe jınaqtaǵanyn, buǵan 2010 jyly Shanhaıda, 2015 jy­ly Mılanda ótken EKSPO kórme­lerinde eldiń taqyrypty jan-jaqty ashyp kórsete alǵany úshin «altyn medaldar» ıelengenin atap ótti. О́z kezeginde M.Halıf aldaǵy jyl­dyń 4 shildesinde Aljır EKSPO-2017 aıasynda ózderiniń ult­­tyq kúnderin ótkizýdi josparlap otyr­ǵanyn jetkizdi. Aljırlik komıssar Qazaqstan tarapy usynyp otyrǵan «Bolashaqtyń energııasy» taqyryby jahandyq ekologııalyq problemalar men qýat jetispeýshiligin sheshýge kómektesetinin, al EKSPO-2017 búkil álem elderi úshin, onyń ishin­de Afrıka memleketteri de bar, ener­getıka salasynda ózderiniń jetis­tik­teri men jańa tehnologııalaryn kórsetýdiń platformasyna aınalatynyn atap kórsetti. Kezdesý qorytyndysy bo­ıyn­sha, R.Joshybaev pen M.Halıf Al­jır tarapynyń EKSPO-2017 halyq­aralyq mamandandyrylǵan kórmesine qatysatyny týraly kelisimge qol qoıdy.