Qazaqstan men Reseı birlesip túsirgen «28 panfılovshy» fılmi prokatta kósh bastap tur, dep habarlady «Qazaqfılm» baspasóz qyzmeti.
El aýmaǵynda alǵashqy aptadaǵy esep boıynsha 30 mıllıonnan astam qarjy jınaldy. Qysqa merzimniń ishinde mol qarjy jınaýyna qaraǵanda kórermender arasynda tanymal bolyp otyr. Kórermender qyzyǵýshylynyń artýyna baılanysty fılmniń ekinshi aptadaǵy prokaty tabysty bolady dep kútilýde.
Aıta keteıik, «28 panfılovshy» kórkem fılmin Qazaqstan Respýblıkasy Mádenıet jáne sport mınıstrligi, Sh.Aımanov atyndaǵy «Qazaqfılm» AQ, Reseı Federasııasy Mádenıet mınıstrligi qatysýymen «28 panfılovshy» táýelsiz stýdııasy (Sankt-Peterbýrg, Reseı) túsirgen.
General Panfılovtyń 316-shy atqyshtar dıvızııasynyń 28 jaýyngeri týraly túsirilgen fılmniń negizgi somasyn kraýdfandıng arqyly jınaǵan.
Reseılik «Kınozaldardaǵy kórsetilimder týraly maǵlumatty beretin Federaldy biryńǵaı avtomattandyrylǵan aqparattyq júıeniń» aqparaty boıynsha 30 qarashaǵa «28 panfılovshy» fılminiń Reseıdegi kórsetkishi 209,8 mln. rýbldi qurap, 878 944 kórermen kórgen.