Eń iri tórt ınternet-kompanııa - Facebook, Microsoft, Twitter jáne YouTube birigip ınternettegi lańkestikpen kúresetinderin málimdedi, dep habarlady RIA Novostı.
"Bizdiń kontentte lańkestikti nasıhattaýǵa jol joq. Bizge mundaı habar kelse, biz sol kontentke qarsy kompanııanyń saıasatyna baılanysty sharalar qoldanamyz", deıdi kompanııalar.
Búginnen bastap olar vıdeonyń sandyq ıdentıfıkatorlarymen ózara almasa bastaıdy. Ol lańkesterdiń óz jaǵyna adam tartý múmkindikteriniń aldyn alý úshin jasalmaq. Sol arqyly lańkesterge baılanysty jazbalar da anyqtalyp otyrady jáne ınternetten osy sıpattaǵy aqparatty tabýǵa da septigi tıedi dep josparlanýda. Bir aıta keterligi, kompanııalar tutynýshylardyń jeke aqparattarymen de almasyp otyratyn bolady.
Atalǵan tórt kompanııanyń birlesken jumysy lańkestik kontettiń taraýy barysynda ózderiniń de jazaǵa tartylmaýy úshin jasalyp otyr. Sonymen qatar olar birigip bılik taratypnan bolatyn qysymǵa qarsy turmaq. Sebebi qazir AQSh kongresinde áleýmettik jelilerdiń mazmunyn baqylaý múmkindikteri qarastyrylyp jatqany belgili.