Maıkl Egglton «Eýrazııalyq bank» AQ basqarma tóraǵasy qyzmetinen ketti, dep habarlaıdy QazAqparat.
Qazaqstandyq qor bırjasynda (KASE) jarııa bolǵan málimetter boıynsha, Maıkl Eggltonnyń ókileti shuǵyl túrde bıylǵy jyldyń 2 jeltoqsanyna deıin toqtatylǵan bolatyn. 5 jeltoqsanan bastap, banktiń basqarma tóraǵasy laýazymyna Pavel Logınov saılandy.
Maıkl Egglton bankti 2009 jyldan beri basqaryp keldi. Banktiń 100 paıyz aksııalary «Eýrazııalyq qarjy kompanııasy» AQ-na tıesili.
Eýrazııalyq bank - barlyq segmentter boıynsha klıentterge ónimder men qyzmetterin usynatyn ámbebap bank. Onyń negizi 1994 jyly qalandy jáne Qazaqstannyń barlyq óńirlerinde ókildikteri jumys isteıdi jáne Máskeýde enshiles banki bar. Sondaı-aq fılıaldary Novosibir, Omsk jáne Chelıabi qalalarynda ornalasqan. Banktiń S&P sońǵy reıtıngi boıynsha boljamy «turaqty» boldy.